Jak paviedamili BiełaPAN u Ministerstvie adukacyi, adpaviednyja prapanovy padrychtavany kamisijaj, u jakuju ŭvajšli pradstaŭniki Minadukacyi, Dziaržaŭnaj kamisii pa kantroli za chodam padrychtoŭki i praviadzieńnia ŭstupnych ispytaŭ u vyšejšych i siarednich śpiecyjalnych navučalnych ustanovach, a taksama inšych zacikaŭlenych viedamstvaŭ, VNU i SSNU.
U adpaviednaści z prapanovami pašyrycca śpis tych, chto zmoža padavać dakumienty ŭ pryjomnuju kamisiju: dakumienty možna budzie padać ad asoby abituryjenta pa nataryjalna zaśviedčanaj davieranaści.
Płanujecca vyklučyć mahčymaść udziełu ŭ konkursie tych, chto atrymaŭ admoŭnyja vyniki pa profilnych ustupnych ispytach.
Dla pastupleńnia na bijałahičnyja, matematyčnyja, fizičnyja i chimičnyja śpiecyjalnaścipadlik bałaŭ pa profilnych pradmietach prapanujecca vieści z vykarystańniem pavyšalnaha kaeficyjenta 2.
Prapanujecca admianić raździelny konkurs dla vypusknikoŭ sielskich i haradskich ustanoŭ adukacyi i bolšaść ilhot pry pastupleńni ŭ VNU.Płanujecca zachavać tolki lhotu pa zaličeńni biez ustupnych ekzamienaŭ abituryjentaŭ, jakija zavajavali pryzavyja miescy na mižnarodnych i respublikanskich alimpijadach, inšych spabornictvach. Pazakonkursnaje zaličeńnie taksama zachavajecca dla šerahu katehoryj abituryjentaŭ pry pastupleńni ŭ VNU pieršaha patoku MUS, MNS, Minabarony, Dziaržpahrankamiteta i ŭ Biełaruski dziaržaŭny ŭniviersitet fizičnaj kultury.
Płanujecca ŭvieści normu,
pavodle jakoj na zavočnuju formu navučańnia ŭ VNU zmohuć pastupać tolki pracaŭładkavanyja hramadzianie.
Dla tych, chto pastupaje na piedahahičnyja śpiecyjalnaści na ŭmovach metavaj padrychtoŭki, prapanujecca ŭvieści patrabavańnie ab nieabchodnaści rekamiendacyj piedahahičnych savietaŭ ustanoŭ adukacyi.
Dla tych, chto pastupaje na śpiecyjalnaści kultury i mastactva VNU, płanujecca ŭvieści adzinuju mietodyku padliku bałaŭ pry zaličeńni: bały za kožny etap ustupnaha ispytu pa pradmiecie «Tvorčaść» buduć sumavacca z bałam, atrymanym pry składańni bałaŭ za centralizavanaje testavańnie i siaredniaj acenki dakumienta ab adukacyi.
Biełarusam, jakija pastajanna žyvuć za miažoj, a taksama hramadzianam Rasii, Kazachstana, Kyrhyzstana i Tadžykistana prapanujecca dazvolić pastupać na ŭmovach, praduhledžanych dla zamiežnych hramadzian, — pavodle vynikaŭ sumoŭja.
Dla abarony intaresaŭ abituryjentaŭ, jakija pastupajuć va ŭstanovy adukacyi pa konkursie, prapanujecca kvatavać kolkaść miescaŭ dla abituryjentaŭ, jakija zaličvajucca pavodle vynikaŭ atestacyi paśla zakančeńnia fakultetaŭ davuzaŭskaj padrychtoŭki, padrychtoŭčych adździaleńniaŭ, padrychtoŭčych kursaŭ abo pavodle vynikaŭ sumoŭja. Kvotu štohod budzie vyznačać navučalnaja ŭstanova.
Pieralik śpiecyjalnaściaŭ, pa jakich pravodzicca metavaja padrychtoŭka, płanujecca dapoŭnić śpiecyjalnaściami ziemleŭparadkavańnia i ziamielnaha kadastru. Taksama z 30 da 60% ad kantrolnych ličbaŭ płanujecca pavialičyć pryjom na ŭmovach metavaj padrychtoŭki na sielskahaspadarčyja śpiecyjalnaści.
Prapanujecca spraścić praceduru pastupleńnia ŭ SSNU na asnovie ahulnaj bazavaj adukacyi: pravodzić jaho pa konkursie siaredniaha bała paśviedčańniaŭ ab ahulnaj bazavaj adukacyi.
