Na naradzie pa pytańni rasparadžeńnia dziaržaŭnaj majomaściu 10 listapada Alaksandr Łukašenka raskrytykavaŭ ciapierašni ŭrad, abvinavaciŭšy jaho ŭ zachapleńni rynkam.
«Ja ciarplu heta da 1 studzienia, a potym u vas zastaniecca termin da 1 maja, nu, da
A vy ŭsio na rynak raźličvajecie».
Na dumku biełaruskaha kiraŭnika, kali b rynak byŭ takim efiektyŭnym, to nie było b tych ekanamičnych prablem, ź jakimi sutykajucca Jeŭropa i ZŠA.
Łukašenka padkreśliŭ, što patrabuje prytrymlivacca palityki, vypracavanaj im i Usiebiełaruskim narodnym schodam: «Vy sfarmiravany prezidentam pad kankretnuju zadaču. I vy ŭsie pracavali tady, vy nie na Miesiacy byli. A Michaił Uładzimiravič navat vystupaŭ na Usiebiełaruskim narodnym schodzie. My možam zaŭtra apublikavać vašu pramovu».
«Rynačnaja pazicyja ŭrada siońnia pryviała da taho, što ŭ nas užo bienzin utraja: voś, kurs dołara — i ŭsio, napierad! Nichto nie padumaŭ ab tym, jak ža heta zrabić lepš, jak my rabili 15 hadoŭ zapar. I što za praktyka kivać na stary ŭrad? Nie treba heta rabić, heta niepryhoža, užo ludzi śmiajucca», — ličyć Łukašenka.
«Na praciahu hetaha hoda faktyčna buduć pryniatyja ŭsie niepapularnyja rašeńni dla taho, kab stabilizavać situacyju»,— zajaviŭ na heta Miaśnikovič.
«Vy zanadta zachapilisia niepapularnymi mietadami, Michaił Uładzimiravič. Vy, jaki narodžany ŭ vioscy i vyras na kubku małaka, jak ja i mnohija, chto tut siadzić», — adreahavaŭ Łukašenka.
«Da 1 maja mierkavańnie nasielnictva ab uradzie, ab uładzie, nastroi ludziej pavinny kardynalna źmianicca. Voś vašy terminy. Nastrojvajcie ŭsich padnačalenych na heta», — zajaviŭ biełaruski kiraŭnik.
Varta adznačyć, što vostraja faza ekanamičnaha kryzisu zvyčajna nie doŭžycca bolš za hod.