Bujnyja pramysłovyja centry Biełarusi — Babrujsk i Žłobin — źviaža novaja aŭtadaroha pieršaj katehoryi z čatyrma pałosami ruchu. Pra heta paviedamiŭ namieśnik ministra transpartu i kamunikacyj — dyrektar departamienta «Biełaŭtadar» Anatol Łycin.
Na ŭčastak darohi ad Babrujska da Žłobina ŭžo raspracavana
Dla finansavańnia hetaha prajekta mohuć być pryciahnutyja lhotny kitajski kredyt abo kredyt Jeŭrazijskaha banka.
Płanujecca pryciahnuć kredyt da $300 miljonaŭ. Biełaruski bok raźličvaje, što rašeńnie pa hetym učastku budzie pryniata ŭ pieršaj pałovie nastupnaha hoda, kab u čaćviortym kvartale ŭžo pačać padrychtoŭčyja raboty ŭ miežach prajekta. «Hety ŭčastak darohi prachodzić cieraz mnostva nasielenych punktaŭ, tam šmat miescaŭ, dzie abmiežavana chutkaść, tamu darohu płanujecca pravieści pa novym napramku. Heta budzie daroha pieršaj katehoryi z čatyrma pałosami ruchu», — skazaŭ dyrektar «Biełaŭtadara».
