10–20 kastryčnika ŭ Minsku Dziaržaŭtainśpiekcyja pravodzić apieracyju «Vučebny aŭtamabil».
Jak paviedamili va ŭpraŭleńni DAI HUUS Minharvykankama, apieracyja skiravana na palapšeńnie jakaści praktyčnaha navučańnia vadžeńniu ŭ aŭtaškołach i spynieńnie pravaparušeńniaŭ pry padrytoŭcy vadzicielskich kadraŭ. Asablivuju ŭvahu supracoŭniki Dziaržaŭtainśpiekcyi nadajuć praviercy techničnaha stanu vučebnych aŭtamabilaŭ, dla čaho zapłanavany śpiecyjalnyja rejdy.
Zaraz pracent avaryjnaści pa vinie vadzicielaŭ, čyj staž naličvajecca mienš za dva hady, dastatkova vysoki. Tolki za 9 miesiacaŭ hetaha hoda ŭ Minsku maładymi vadzicielami ŭčyniena bolš jak 200 avaryj. I vinavaty ŭ ich, jak upeŭnieny ŭ DAI, nie tolki toj, chto siadzić za rulom aŭtamabila, ale i vykładčyki, instruktary, bo jany adkazvajuć za ŭzrovień padrychtoŭki svaich vypusknikoŭ.
Tak, u niekatorych aŭtaškołach majucca vypadki vyjezdu aŭtamabila na liniju biez techničnaha ahladu, u puciavych listach nie zapisvajucca pakazańni śpidomietra, maršrut nie adpaviadaje numaru adpracoŭvajemaha praktykavańnia i h.d. Z adnaho boku heta adbivajecca na jakaści navučalnaha pracesu, a z druhoha — padaje kursantam drenny prykład niadbajnaha staŭleńnia da ŭstanoŭlenych praviłaŭ.
