Svajo zatrymańnie zasnavalnik Niezaležnaha instytutasacyjalna-ekanamičnych i palityčnych daśledavańniaŭ (NISEPD) Aleh Manajeŭ tłumačyć žadańniem uład sarvać jaho vystupleńnie na bryfinhu pierad dypłamatami.
U raspaŭsiudžanaj viečaram 6 kastryčnika zajavie dla presy sacyjołah raskazvaje, što ŭ 15.00, kali jon padychodziŭ da pasolstva Polščy dla ŭdziełu ŭ štokvartalnym bryfinhu niezaležnych ekśpiertaŭ dla pradstaŭnikoŭ dypłamatyčnaha korpusa (na jakich zvyčajna prysutničaje nie mienš jak 25 dypłamataŭ z samych roznych pasolstvaŭ — ad Japonii i Rasii da Jeŭrasajuza i ZŠA), jaho spyniŭ siaržant minskaha AMAP i skazaŭ, što pavinien zatrymać dla vyśviatleńnia asoby.
«Pravieryŭšy moj pašpart, jon staŭ praviarać, ci niama ŭ mianie zbroi, narkotykaŭ i inšych zabaronienych rečaŭ.Zatym patelefanavaŭ i paviedamiŭ pra zatrymańnie, zahadaŭšy mnie čakać na miescy, — raskazvaje sacyjołah. — Praź niekalki chvilin źjavilisia jašče dvoje supracoŭnikaŭ pravaachoŭnych orhanaŭ, adzin ź jakich nazvaŭsia śledčym kryminalnaha vyšuku Centralnaha rajona Minska.
Na majo pytańnie ab pryčynie zatrymańnia adkaz byŭ adzin: «Prajedziem u adździaleńnie, tam vam usio rastłumačać».
Pierad tym jak Manajeva dastavili ŭ Partyzanski RUUS Minska, jon paśpieŭ źviazacca ź niekatorymi kalehami i žurnalistami.
«U Partyzanskim RUUS mianie praviali ŭ kabiniet načalnika milicyi hramadskaj biaśpieki i śpiecyjalnaj milicyi padpałkoŭnika Hładuna. Jon taksama pravieryŭ moj pašpart i asabistyja rečy (partfiel z materyjałami dla bryfinhu). Na pytańnie ab pryčynie zatrymańnia — bo ja žyvu ŭ Frunzienskim rajonie i nijak nie źviazany ni z Centralnym, ni z Partyzanskim rajonam — jon adkazaŭ, što pavodle zakona ab milicyi maje prava zatrymać mianie da troch hadzin biez tłumačeńnia pryčyn. Ja skazaŭ, što tym samym milicyja zryvaje važnaje mierapryjemstva, ale heta nijak nie padziejničała», — adznačaje Manajeŭ.
Padčas znachodžańnia ŭ milicyi jaho sprabavali abaviazać prajści daktyłaskapiju,adnak u vyniku pravodzić jaje nie stali, vyrašyli zrabić zapyt u vajenkamat pa miescy žycharstva.
«Roŭna za 5 chvilin da zakančeńnia trochhadzinnaha terminu mnie skazali, što mianie «zatrymali dla pravierki dakumientaŭ» i adpuścili. Adnak adzin z supracoŭnikaŭ, jakija ŭdzielničali ŭ hetaj «apieracyi» (ahulnym likam u joj było zadziejničana amal dziesiać čałaviek z troch roznych padraździaleńniaŭ MUS) na pytańnie, čamu zatrymali mienavita mianie, adkazaŭ, što
«zahad byŭ mienavita na vas»,— udakładniaje Manajeŭ.
«Usie hetyja dziejańni śviedčać pra adno — na samaj spravie mianie zatrymali dla taho, kab sarvać zapłanavany bryfinh»,— padkreślivaje sacyjołah. Razvažajučy ab tym, čamu heta adbyłosia mienavita ciapier, Manajeŭ adznačaje: «Niesumnienna, sprava ŭ tym, što sioleta biełaruski aŭtarytaryzm sutyknuŭsia z samym surjoznym vyklikam za ŭsiu svaju historyju. Paśla majskaj devalvacyi biełaruskaha rubla ŭ krainie pačaŭsia najmacniejšy
Zasnavalnik NISEPD źviartaje ŭvahu, što pa vynikach apytańnia hramadskaj dumki, praviedzienaha niezaležnymi sacyjołahami ŭ vieraśni, amal 88% respandentaŭ ličać, što biełaruskaja ekanomika znachodzicca ŭ kryzisie, pryčym bolš za 61% ličać vinavatym u kryzisie samoha prezidenta (urad — 44%).
«Rejtynh Alaksandra Łukašenki ŭsiaho za dzieviać miesiacaŭ upaŭ z 53 da 20%, dasiahnuŭšy histaryčnaha minimumu za ŭsie siamnaccać hadoŭ jaho kiravańnia.
Pahroza sacyjalnaha vybuchu stanovicca ŭsio bolš realnaj.U «nadychodziačych pryciemkach» ułady pačynajuć «bajacca ŭłasnaha cieniu», — kanstatuje Manajeŭ.
«U červieni 2010 hoda jany sprabavali zvolnić mianie ź Biełaruskaha dziaržaŭnaha ŭniviersiteta, u jakim ja prapracavaŭ bolš za 40 hadoŭ, zabłakavać infarmacyju i analityku, jakuju ja i maje kalehi adrasujem biełaruskamu hramadstvu. Siońnia jany sprabujuć zabłakavać našu dziejnaść pa infarmavańni zamiežnych uradaŭ i mižnarodnaj hramadskaści ab tym, jak na samaj spravie žyvuć biełarusy, pra što dumajuć, čym niezadavolenyja, čaho chočuć. Sprabujuć „adnavić spynieny dyjałoh“, atrymać kredyty i inviestycyi, pa sutnaści ničoha ŭ krainie nie źmianiŭšy», — upeŭnieny zasnavalnik NISEPD.
«Zajaŭlaju, što jak i raniej, budu vykonvać svoj prafiesijny i hramadzianski abaviazak, i siońniašni incydent na heta nie paŭpłyvaje», — padkreślivaje ŭ zajavie Aleh Manajeŭ.
***
NISEPD — najstarejšy ŭ Biełarusi niedziaržaŭny daśledčy centr, stvorany ŭ lutym 1992 hoda hrupaj vučonych, žurnalistaŭ, palitykaŭ i biźniesmienaŭ. Ciapier zarehistravany jak hramadskaja ŭstanova ŭ Litoŭskaj Respublicy.
