Abmiažoŭvać dostup u Internet u Biełarusi nie buduć. Ab hetym siońnia na bresckim abłasnym adukacyjnym forumie dla asob, uklučanych u pierśpiektyŭny kadravy rezierv, adkazvajučy na pytańni jaho ŭdzielnikaŭ, zajaviŭ pieršy namieśnik kiraŭnika Administracyi prezidenta Respubliki Biełaruś Alaksandr Radźkoŭ.
«Zakryvać Internet, abmiažoŭvać dostup daInternet — heta novaja kultura sučasnaha hramadstva, jakaja niasie ŭ sabie šmat važnaha i kaštoŭnaha», — adznačyŭ Alaksandr Radźkoŭ.internet-resursaŭ niama čaho, u hetym niama nijakaj nieabchodnaści.
U toj ža čas, pavodle jaho słoŭ, u siabie ŭ krainie my pavinny vychoŭvać kulturu karystańnia Internetam. «Heta vielmi składana. Ale my pavinny pryjści da razumieńnia taho, što na rabočym miescy Internet nie pavinien adciahvać uvahu ad raboty, karystańnie Internetam pavinna być abmiežavana tymi zadačami, jakija vyrašaje kankretny śpiecyjalist, abo va ŭstanovie adukacyi praduhledžvaje adukacyjny praces. U hetym vypadku my elemientarna pavinny navučycca ličyć našy hrošy i nie dapuskać złoŭžyvańniaŭ.
Pry hetym doma karystalniku Internetu pavinny być pradastaŭleny ŭsie mahčymaści hetaha resursu»,— padkreśliŭ Alaksandr Radźkoŭ.
Na jaho dumku, Internet nieabchodna bolš šyroka vykarystoŭvać u śfiery dziaržaŭnaj ideałohii, nacyjanalnaj kultury. «Siońnia Internet — heta šyrokaja śfiera viaščańnia, šyroki dostup da telekanałaŭ. Za ŭsim hetym nam treba paśpiavać, pašyrać svaju prysutnaść, zadziejničać śpiecyjalistaŭ: redaktaraŭ, ideołahaŭ, tvorčych ludziej, artystaŭ, paetaŭ, muzykantaŭ», — adznačyŭ Alaksandr Radźkoŭ.
