Ekśpierty nie znajšli vybuchovych rečyvaŭ na adzieńni i abutku Dźmitryja Kanavałava i Uładzisłava Kavalova paśla ich zatrymańnia pa padazreńni ŭ vybuchu ŭ minskim mietro. Heta vynikaje z začytanych 6 kastryčnika ŭ Viarchoŭnym sudzie vynikaŭ vybuchovatechničnych ekśpiertyz, što pravodzilisia ŭ
Na daśledavańnie adpraŭlalisia adzieńnie, abutak, frahmienty vałasoŭ, padpaznohcievaje źmieściva, zmyvańni z tvaru i nasavych chadoŭ Kanavałava i Kavalova. Zhodna z zaklučeńniem ekśpiertaŭ, na abodvuch «rečyvaŭ arhaničnaha pachodžańnia, što adnosiacca da vybuchovych, nie vyjaŭlena». Ekśpiertyza pa Kanavałavu była zavieršana 9 maja, pa Kavalovu — 18 maja.
U sudzie taksama byli abnarodavanyja vyniki kompleksnaj hienatypaskapičnaj i vybuchovatechničnaj ekśpiertyzy rečaŭ, kanfiskavanych u kvatery na vulicy Kłumava, jakuju najmaŭ Kavaloŭ. U pryvatnaści, byli kanfiskavanyja adzieńnie, bytavaja technika, budaŭničyja instrumienty, a taksama zmyvańni z padłohi i mebli. Śledčych cikaviła, ci majucca na hetych rečach ślady vybuchovych rečyvaŭ, ci jość na ich ślady DNK Kavalova, Kanavałava, jaho baćki i brata, Jany Pačyckaj, a taksama siabroŭ i znajomych abvinavačanych, jakija prachodzili pa spravie ab terakcie.
Zhodna z zaklučeńniem ekśpiertyzy,
śladoŭ vybuchovych rečyvaŭ nidzie nie znojdziena, znojdzieny ślady DNK Kavalova, a taksama ślady, prynaležnaść jakich ekśpiertam ustanavić nie ŭdałosia.
Cikavym ujaŭlajucca vyniki daktyłaskapičnaj ekśpiertyzy ad 4 maja, jakaja daśledavała na pradmiet najaŭnaści adbitkaŭ palcaŭ šerah rečaŭ, kanfiskavanych 13 krasavika ŭ padvale № 52 doma 8, korpus 1 pa vulicy Repina ŭ Viciebsku, dzie, jak upeŭniena śledstva, Kanavałaŭ rychtavaŭ vybuchovyja prystasavańni. Na ekśpiertyzu, u pryvatnaści, adpraŭlalisia płastykavaja jomistaść z vadkaściu žoŭtaha koleru, lipkaja stužka, niekatoraje abstalavańnie dla chimičnych dośledaŭ. Na ŭsich hetych pradmietach ekśpiertyza nie znajšła nivodnaha adbitka palcaŭ.
