Apazicyjnyja i pravaabarončyja arhanizacyi ŭzhadnili śpis palitźniavolenych u Biełarusi. Adpaviednyja kansultacyi prajšli 5 kastryčnika ŭ ofisie Abjadnanaj hramadzianskaj partyi,paviedamiŭ BiełaPAN lidar partyi Anatol Labiedźka.
«Kansultacyi stali nieabchodnaściu. Kali my chočam, kab śpis pamianšaŭsia ci naohuł źnik, treba pryciahvać da kankretnaha śpisa palitźniavolenych mižnarodny składalnik», — skazaŭ jon.
Palityk adznačyŭ, što ŭ roznych arhanizacyj było svajo ŭjaŭleńnie pra hety śpis. Pry hetym jon padkreśliŭ, što ŭ kansultacyjach udzielničali praktyčna ŭsie pravaabarončyja arhanizacyi.
Pavodle infarmacyi Labiedźki,
śpis palitźniavolenych pabudavany pa formule «11+3».Pa 11 proźviščach niama nijakich roznahałośsiaŭ. U ich lik uvachodziać Mikałaj Statkievič, Dźmitryj Bandarenka, Andrej Sańnikaŭ, Aleś Bialacki, Mikałaj Aŭtuchovič, Dźmitryj Daškievič, Eduard Łobaŭ, Pavieł Sieviaryniec, a taksama Ihar Alinievič, Mikałaj Dziadok i Alaksandr Franckievič.
Troje — Jaŭhien Vaśkovič, Pavieł Syramałotaŭ i Arciom Prakapienka — asudžany za sprobu padpału budynka KDB u Babrujsku.Jany nie pryznali vinu ŭ naŭmysnym źniščeńni majomaści. Pavodle słoŭ Labiedźki, jość niekatoryja razychodžańni pa spravie
Lidar AHP zajaviŭ, što ŭ Minsku na sudovych pracesach pastajanna prysutničali pravaabaroncy i palityki, jakija viali manitorynh pracesu, u toj čas jak babrujskuju spravu «składana sinchranizavać ź mižnarodnymi kryteryjami», tamu nieabchodna jaje dadatkovaje vyvučeńnie.
Pavodle słoŭ Labiedźki, pravaabarončyja arhanizacyi zhodny, što ŭ spravy jość palityčnaja padaploka, ale pakul jość sumnieńni ŭ tym, kab adnaznačna ličyć abvinavačvanych palitźniavolenymi.
