U sudzie pa spravie ab vybuchu ŭ minskim mietro 5 kastryčnika dziaržaŭny abvinavaŭca Dźmitryj Cimafiejeŭ začytaŭ zaklučeńni ekśpiertaŭ ab pryčynach śmierci achviar terakta.
Pavodle danych ekśpiertaŭ, ludzi zahinuli ŭ tym liku ad vialikaj straty kryvi i traŭmatyčnaha šoku, vyklikanych šmatlikimi askołačnymi ranieńniami, pierałomami, apiokami; vybuchovych spałučanych traŭm hałavy, tułava, kaniečnaściaŭ; amputacyi kaniečnaściaŭ, rastruščvańnia tkanak unutranych orhanaŭ, raźbićciom hałavy i inšych paškodžańniaŭ, nie sumiaščalnych z žyćciom. Zhodna z zaklučeńniem ekśpiertaŭ, cieły zahinułych byli našpihavanyja nie tolki paražajučymi elemientami vybuchovaj pryłady,
ale i askiepkami bietonu, hranitu, škła, treskami, kavałkami farby.
Zychodziačy z vynikaŭ ekśpiertyz, bližej za ŭsich da epicentra vybuchu znachodzilisia Juryj Klimiec 1987 hoda naradžeńnia, Anatol Makiejčyk 1954 hoda naradžeńnia i Anatol Narkievič 1959 hoda naradžeńnia. Dvoje apošnich, jak ličać ekśpierty, stajali blizka da epicentra. A z charaktaru ranieńniaŭ Klimca jany zrabili vysnovu, što jon naohuł znachodziŭsia pobač z vybuchovaj pryładaj, mahčyma, siadzieŭ na łaŭcy, kala jakoj stajała sumka z bombaj.
Pavodle ekśpiertnaha zaklučeńnia adnosna Taćciany Zacharkovaj, jaje śmierć nastupiła ŭ vyniku poŭnaha rasčlanieńnia cieła. Jana zahinuła ad vybuchovaj i čyhunačnaj traŭmy.
Zacharkovu pierajechaŭ elektraciahnik, jaki ruchaŭsia ŭ bok stancyi «Uručča»,paśla taho jak paranienuju žančynu vybuchovaj chvalaj vykinuła z płatformy na rejki.
U sudzie taksama byli začytanyja zaklučeńni
Słuchajučy dziaržabvinavaŭcu, Dźmitryj Kanavałaŭ byŭ źniešnie spakojny:hladzieŭ to prama na jaho, to pierad saboj u padłohu, pieryjadyčna apuskaŭ hałavu i padtrymlivaŭ jaje to adnoj rukoj, to druhoj.
Uładzisłaŭ Kavaloŭ z pačatku pracesu svajoj pozy praktyčna nie mianiaje: siadzić prama, hladzić pierad saboj.
Siońnia ž u sudzie byli začytanyja pakazańni svajakoŭ zahinułych, pryznanych paciarpiełymi pa spravie. Jany raskazali, u pryvatnaści, ab majomasnym uronie, pryčynienym teraktam. Havorka idzie ab paškodžańni adzieńnia, abutku, asabistych rečaŭ. U pratakołach jość źviestki ab pieradačy svajakam rečaŭ zahinułych. Hałoŭnym čynam, heta dakumienty, hrošy, telefony, hadzińniki, kaštoŭnaści, bankaŭskija kartki, akulary, klučy i inšyja rečy. U niekatorych zahinułych padčas vybuchu byli pry sabie ikonki.
Byli taksama začytanyja pakazańni pamierłaha 25 maja ŭ reabilitacyjnym centry «Aksakaŭščyna» Andreja Illina 1974 hoda naradžeńnia, namieśnika hałoŭnaha ŭrača minskaj haradskoj stancyi chutkaj miedycynskaj dapamohi. Jon jašče paśpieŭ raskazać śledčym pra akaličnaści vybuchu,
pra toje, što ŭžo ślapym poŭz pa płatformie i trapiŭ u jamu, jakaja akazałasia varonkaj, jak zdoleŭ vybracca ź jaje.
Illin byŭ špitalavany spačatku ŭ vajenny špital, zatym jaho pieraviali ŭ
