Pradstaŭnik paciarpiełaha ad vybuchu ŭ minskim mietro niepaŭnaletniaha Arcioma Dziamnienki, jaho baćka Viktar Dziamnienka, acaniŭ kampiensacyju maralnaha ŭronu ŭ 5 młrd. rubloŭ. Pra heta jon zajaviŭ 5 kastryčnika padčas sudovaha pasiadžeńnia pa spravie ab terakcie ŭ minskim mietro.
Jak paviedamiŭ Viktar Dziamnienka, jaho syn Arciom ź siabram jechali ŭ mietro i «litaralna za niekalki siekund da vybuchu prajšli ŭ pieršy vahon elektraciahnika, jaki prybyŭ na stancyju «Kastryčnickaja». «Jany ŭbačyli jarkuju ŭspyšku i pačuli chłapok. Na ich raspłaviłasia adzieńnie», — skazaŭ Dziamnienka.
Jamu pra zdareńnie z synam paviedamili supracoŭniki mietrapalitena, pazvaniŭšy z mabilnaha telefona Arcioma. Dziamnienka daviedaŭsia, što syna vyvieli z vychadu sa stancyi «Kupałaŭskaja» na vulicy Marksa. «Mašyny chutkaj dapamohi byli zapoŭnienyja. Adnak adzin hramadzianin, jak paźniej ja vyśvietliŭ — supracoŭnik milicyi, advioz chłopčykaŭ u
Kali b nie jon, mahčyma, moj syn nazaŭsiody straciŭ by zrok», — skazaŭ Dziamnienka.
Pavodle jaho słoŭ, Arciom atrymaŭ šmatlikija askołačnyja ranieńni, apioki
Pavodle słoŭ Dziamnienki, jaho synu nieabchodna rabić jašče adnu apieracyju — u jaho surjozna paškodžana adno voka. «Apieracyja zaklučajecca ŭ pierasadcy rahavicy voka i impłantacyi kryštalika. Kali zrok u vyniku hetych apieracyj nie adnovicca, to, jak mnie skazali ŭračy,
mahčyma, budzie ŭskładnieńnie i na ŭcalełaje voka, u vyniku čaho moj syn moža stracić zrok», — zajaviŭ Dziamnienka.
Jon zaznačyŭ, što pieražytaje baćkami «praktyčna niemahčyma vyznačyć u hrašovym vyražeńni».
Razam z tym baćka niepaŭnaletniaha zajaviŭ, što maralnyja pakuty jon aceńvaje prykładna ŭ 500 tysiač jeŭra, abo 5 młrd. rubloŭ.
Vystupoŭca taksama prasiŭ sud vypravić pamyłku ŭ zaklučeńni ŭračoŭ ab pryčynie invalidnaści jaho syna. Pavodle słoŭ Dziamnienki, u hetym dakumiencie ŭ hrafie ab pryčynach invalidnaści napisana, što takich pryčyn niama. Jon paprasiŭ sud chadajničać ab tym, kab miedyki zapisali ŭ hrafu ab pryčynach invalidnaści «ŭ vyniku vybuchu ŭ minskim mietro».
Sudździa Alaksandr Fiedarcoŭ paabiacaŭ, što adpaviednaje rašeńnie suda budzie vyniesienaje paźniej i adpraŭlenaje ŭ Ministerstva achovy zdaroŭja Biełarusi.
5 kastryčnika ŭ sudzie pradoŭžyłasia daśledavańnie pratakołaŭ dopytu tych paciarpiełych, jakija na sud źjavicca nie zmahli.
