Na sudovym pracesie pa spravie ab terakcie ŭ minskim mietro 27 vieraśnia byŭ vyvučany pratakoł miesca zdareńnia, paviedamiŭ BiełaPAN.
Ahlad pravodziŭsia z 19.15 11 krasavika da 8.00 12 krasavika. Jon prypyniaŭsia z 20.00 da 20.20 (vidavočna, u hety čas tam znachodziŭsia Alaksandr Łukašenka). Pracy vialisia na płatformie stancyi «Kastryčnickaja», čyhunačnych šlachach, dvuch eskałatarach, u faje, pierachodzie na stancyju «Kupałaŭskaja». Vyvučalisia taksama padziemnyja pierachody, viadučyja na «Kastryčnickuju» z praśpiekta Niezaležnaści i vulicy Enhielsa, učastki na hetych vulicach kala spuskaŭ na stancyju. Pravodziŭsia ahlad sastavu elektraciahnika, jaki prybyŭ na stancyju ŭ momant vybuchu, pierš za ŭsio jaho najbolš paciarpiełaha druhoha vahona.
U materyjałach spravy pratakoł ahladu zajmaje čatyry tamy. Zhodna z dakumientam, na «Kastryčnickaj»
u momant praviadzieńnia ahladu znachodzilisia dzieviać trupaŭ: šeść na płatformie, adzin na leśvicy da pierachodu na «Kupałaŭskuju», adzin na šlachach i adzin pamiž elektraciahnikom i bakavy ścianoj stancyi.
Miarkujučy pa pratakole ahladu miesca zdareńnia na płatformie i šlachach było znojdziena mnostva elemientaŭ, jakija vykarystoŭvalisia ŭ vybuchovym prystasavańni:
ćviki, mietaličnyja šaryki roznaha dyjamietra, hajki i bałty, kavałki armatury, jakija zaznali termičnaje ŭździejańnie, frahmienty mietału, niekatoryja sa śladami rečyva rudoha koleru. Byli znojdzienyja pradmiety, jakija, jak ujaŭlałasia śledstvu, źjaŭlajucca asobnymi častkami vybuchovaha prystasavańnia. Na ich byli ślady bryzantnaha (łakalnaha) ŭździejańnia. Vyjaŭlenyja taksama abłomki bietonu, marmuru, absmalenaja tkanina, askiepki płastyka, frahmienty adzieńnia i abutku ludziej.
Pry ahladzie padziemnych pierachodaŭ, spuskaŭ na stancyju z horada było znojdziena šmat śpinak siadzieńniaŭ vahonaŭ ciahnika, na jakich vynosili paciarpiełych.
Pra toje, što jaje niežyvuju siastru vynieśli sa stancyi tolki, a 3.00 načy, raniej paviedamiła ŭ sudzie śviedka Volha Zacharkava. Hety fakt piarečyć raniejšym zajavam ab tym, što ŭsie achviary teraktu byli vyniesienyja z stancyi ŭ bližejšyja paśla vybuchu hadziny.
Nie vyklučajem, što historyja z poźnim vynasam ciełaŭ spryčyniłasia i da błytaniny ŭ historyi Maryny Šubič. Nahadajem, što ŚMI paviedamili, što paranienuju dziaŭčynu znajšli tolki pozna ŭviečary, takuju infarmacyju raspaŭsiudziła siabroŭka Maryny. Paźniej, adnak, balnica zaśviedčyła, što dziaŭčyna pastupiła razam ź inšymi paranienymi.
