U pryvatnaści, pra heta padčas dopytu ŭ sudzie zajaviła supracoŭnica firmy pa zdačy kvater u arendu Taćciana Varaŭka.
Pavodle jaje słoŭ, 10 krasavika ŭ ahienctva spačatku pazvaniŭ, a zatym pryjechaŭ małady mužčyna i skazaŭ, što jamu patrebna kvatera na troje sutak. Varaŭka ŭdakładniła, budzie jon najmać kvateru adzin abo niekalki čałaviek, na što toj adkazaŭ, što adzin. Jon pakazaŭ pašpart na imia Dźmitryja Kanavałava, danyja jakoha jana pierapisała. Kanavałaŭ zapłaciŭ joj 300 tysiač rubloŭ, paśla čaho jana vydała klučy ad kvatery, što pa vulicy Karala.
U zale suda Varaŭka nie zmahła apaznać Kanavałava, adnak zaznačyła, što padčas dopytaŭ na papiarednim śledstvie joj nie prapanoŭvali apaznać Kanavałava. Bolš za toje,
jana sama prapanavała śledčym pravieści praceduru apaznańnia, na što joj zajavili, što takoj nieabchodnaści niama.
Dopyt śviedak u sudzie praciahvajecca.
0
0
0
0
0
0
