«Motaršou-2011» naviedali bolš jak 40 tys. čałaviek 1

Minski mižnarodny aŭtasałon «Motaršou-2011», jaki prajšoŭ 20–25 vieraśnia, naviedali 41,5 tys. čałaviek. Pra heta 26 vieraśnia na pres-kanfierencyi paviedamiŭ Dźmitryj Jarota — hienieralny dyrektar kampanii «Remark», jakaja vystupaje arhanizataram vystavy.

Jarota zaznačyŭ, što vystava paśla dvuchhadovaha pierapynku zmahła pryciahnuć uvahu dyleraŭ i aŭtaamataraŭ. Mierapryjemstva ŭpieršyniu prachodziła nie viasnoj, a vosieńniu. «Adnaznačna pakul skazać nie mahu, ale, chutčej za ŭsio, u dalejšym vystava budzie pierachodzić na vosieński cykł. My taksama budziem rabić usio dla taho, kab vystava pieramiaściłasia na «Minsk-Arenu», — skazaŭ jon.

Sioleta na «Motaršou» ŭ Futbolnym maniežy było pakazana kala 150 aŭtamabilaŭ, u tym liku kala dvuch dziasiatkaŭ navinak suśvietnaha aŭtaprama.

Admietnaj rysaj ciapierašniaj vystavy stała razumieńnie dylerami nieabchodnaści pakazu maksimalna poŭnaha madelnaha rada pradstaŭlenych aŭtamabilnych brendaŭ, skazaŭ Jarota.

U suviazi z hetym rezka ŭzrasła siaredniaja płošča stenda kožnaha ŭdzielnika.

U «Motaršou-2011» brali ŭdzieł aficyjnyja dylery Mazda, Audi, Peugeot, Volvo, Chevrolet, Subaru, Volkswagen, Kia, Nissan, Hyundai, Ford, Opel i inšych suśvietnych aŭtamabilnych brendaŭ. Ekspanienty padrychtavali nasyčanuju prahramu z mnostvam prezientacyj i pres-kanfierencyj, jakija byli pryśviečany vychadu na biełaruski rynak aŭtamabilnych navinak.

Amatary matacykłaŭ mahli ŭbačyć navinki ad biełaruskaha zavoda «Minsk-MOTA» i bajki ručnoj pracy ad studyi Juryja Šyfa.

Admietnaściu hetaha «Motaršou» staŭ stend rasijskaj kampanii «jo-AŬTO», jakaja pakazała biełaruskaj publicy dva pratatypy pieršych jo-mabilaŭ.

Na «Motaršou» možna było ŭbačyć jo-mikraven i jo-kros-kupe. U stvareńni mašyn braŭ udzieł biełaruski dyzajnier Uładzimir Ceśler.

Biełaruś zajmaje druhoje miesca paśla Rasii pa kolkaści papiarednich zajavak na kuplu jo-mabila. 29 žniŭnia na aficyjnym sajcie kampanii było zarehistravana 150 tys. zajavak. Biełarusam z hetaj kolkaści naležyć 2.466 zakazaŭ.

Taksama ŭpieršyniu za ŭsiu historyju «Motaršou» byŭ pakazany kancept kar Mazda MX-5 Superlight. Hetaja madel, jakuju prazvali aŭtamabilem budučyni, isnuje ŭ adzinkavym asobniku i była vypuščana ŭ 2009 hodzie.

Amatary aŭtamabilaŭ z historyjaj zmahli palubavacca na relikviju amierykanskaha aŭtaprama, unikalny rarytetny aŭtamabil Ford Model T, jaki byŭ vypuščany ŭ 1916 hodzie i pryznany «Aŭtamabilem stahodździa».

Samym papularnym na vystavie pa vynikach apytańnia jaje naviedvalnikaŭ nazvany aŭtamabil Audi A7.

Alaksiej Areška, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH