Ilhotnyja kredyty dla padrychtoŭki da škoły mohuć vydavacca i dla daškolnikaŭ. Ab hetym havorycca ŭ kamientary Ministerstva handlu, raspaŭsiudžanym praź ŚMI ŭ suviazi sa šmatlikimi zvarotami bankaŭ i hramadzian.
Jak paviedamlałasia raniej, u Biełarusi było pryniata rašeńnie ab vydzialeńni lhotnych spažyvieckich kredytaŭ dla nabyćcia tavaraŭ dla dziaciej. Heta praduhledžana pastanovaj Savieta ministraŭ № 1052 ad 6 žniŭnia 2011 hoda. Zhodna z dakumientam, ilhotnyja kredyty vydzialajucca na nastupnyja tavary biełaruskaj vytvorčaści: vierchniaje adzieńnie i abutak dla dziaciej; rancy i rukzaki vučnioŭskija; sumki maładziožnyja. Rašeńnie dziejničaje da 1 kastryčnika 2011 hoda.
Ilhotnyja kredyty vydzialajucca bankam va ŭstanoŭlenym zakanadaŭstvam paradku ŭ biełaruskich rublach terminam da troch hadoŭ z vypłataj 10% hadavych. Ahulnaja suma lhotnych kredytaŭ, jakija vydajucca bankami adnamu atrymalniku, składaje da 300 bazavych vieličyń (10,5 młn. rubloŭ). Kredyty vydzialajucca ŭ «Biełarusbanku», «Biełahraprambanku», «Bielinviestbanku», «Biełprambudbanku».
Ministerstva handlu paviedamlaje, što pastanova nie ŭtrymlivaje abmiežavańniaŭ uzrostu dziaciej, dla jakich nabyvajucca tavary. Dla paćviardžeńnia ŭzrostu dziciaci bank maje prava zapytać jaho paśviedčańnie ab naradžeńni abo inšyja dakumienty, jakija paćviardžajuć najaŭnaść dziaciej da 18 hadoŭ.
U suviazi z tym što tavary nabyvajucca taksama dla dziaciej, jakija majuć bujnapamiernyja fihury (pamier, paŭnata, rost, jakija adpaviadajuć darosłaj škale pamieraŭ i rostaŭ), Ministerstva handlu ličyć mahčymym nie abmiažoŭvać prava hramadzian u atrymańni lhotnaha kredytu.
Minhandlu prosić banki razhladać usie sprečnyja situacyi pa hetaj prablemie ŭ indyvidualnym paradku sumiesna z orhanami vykanaŭčaj ułady na miescach.
