Alaksandr Łukašenka 11 žniŭnia padpisaŭ ukaz № 356 «Pra niekatoryja pytańni budaŭnictva spalnaha korpusa № 2 i rekanstrukcyi śpielealačebnicy dziaržaŭnaj ustanovy «Respublikanskaja balnica śpielealačeńnia».
U adpaviednaści z dakumientam u lakarni budzie pabudavany spalny korpus na 60 łožkaŭ, paviedamiła
Padziemnaje adździaleńnie śpielealačeńnia na 60 łožkaŭ u źmienu pačało funkcyjanavać na bazie kalijnaha rudnika Pieršaha rudaŭpraŭleńnia AAT «Biełaruśkalij» (Salihorsk Minskaj vobłaści) u 1990 hodzie. U ciapierašni čas arhanizavanaja rabota ŭ dźvie źmieny, što daje mahčymaść pryniać 120 pacyjentaŭ.
Respublikanskaja balnica śpielealačeńnia na 120 łožkaŭ naroŭni z tradycyjnymi mietadami lačeńnia ažyćciaŭlaje śpiecyjalizavanaje lačeńnie mietadam śpieleaterapii pacyjentaŭ z chvarobami orhanaŭ dychańnia, vykarystoŭvajučy pryrodnyja faktary padziemnaj prastory ŭ masivie kamiennaj soli i kallijnym płaście. Anałahaŭ takich padziemnych adździaleńniaŭ u suśvietnaj praktycy niama. Balnica akazvaje śpiecyjalizavanuju miedycynskuju dapamohu pacyjentam jak biaspłatna, tak i na płatnaj asnovie.
Z metaj palapšeńnia dastupnaści i jakaści miedycynskaj dapamohi nasielnictvu mietadam śpieleaterapii budzie pabudavanaje druhoje padziemnaje adździaleńnie na 60 łožkaŭ u źmienu. Pry funkcyjanavańni takoha adździaleńnia źjavicca mahčymaść dadatkova prymać 120 pacyjentaŭ za źmienu. Takim čynam, ciaham hoda śpieleaterapiju atrymaje jašče bolš za dźvie tysiačy čałaviek.
Novy spalny korpus musić być uviedzieny ŭ ekspłuatacyju da 1 lipienia 2012 — adnačasova z uvodam druhoha padziemnaha adździaleńnia.