12 žniŭnia nabudzie moc pastanova Savieta ministraŭ Biełarusi, zhodna ź jakoj dapuščalny dla vadzicielaŭ uzrovień utrymańnia ałkaholu ŭ kryvi źnižajecca z 0,5 da 0,3 pramile.
Hetaja miera, miarkujuć va ŭpraŭleńni Dziaržaŭtainśpiekcyi MUS Biełarusi, dazvolić palepšyć situacyju na darohach, vykaranić takoje paniaćcie, jak «astatkavaja źjava».
DAI nahadvaje, što za kiravańnie transpartnym srodkam u stanie apjanieńnia vadziciel pryciahvajecca da adkaznaści ŭ vyhladzie štrafu ŭ pamiery ad 15 da 35 bazavych vieličyniaŭ (ad 525 tysiač da 1 miljona 225 tysiač rubloŭ) z pazbaŭleńniem prava kiravańnia transpartnymi srodkami terminam na try hady. Kali niećviarozy vadziciel da taho ž nie maje prava kiravańnia, to karajecca štrafam u pamiery ad 25 da 45 bazavych vieličyniaŭ (ad 875 tysiač da 1 miljona 575 tysiač rubloŭ). Za paŭtornaje na praciahu hoda kiravańnie ŭ niećviarozym stanie vadziciel pryciahvajecca da kryminalnaj adkaznaści.
Pavodle źviestak UDAI MUS, kolkaść vadzicielaŭ, jakija ŭ pieršym paŭhodździ ŭ niećviarozym stanie sieli za rul i byli zatrymany inśpiektaram DAI, pieravysiła 25 tysiač čałaviek. Za hety ž čas pa vinie pjanych vadzicielaŭ na darohach Biełarusi zahinuli 73 čałavieki, 341 atrymaŭ traŭmy i kalectvy.
Letaś na darohach było vyjaŭlena kala 5 tysiač vadzicielaŭ, jakija sieli za rul u niećviarozym stanie paŭtorna na praciahu hoda.
