Andrej i Aksana Pačobuty, stop-kadr ź videa Taćciany Haŭrylčyk.
Siamja Pačobutaŭ, stop-kadr ź videa Taćciany Haŭrylčyk
U centry -- Aksana Pačobut, stop-kadr ź videa Taćciany Haŭrylčyk
Andrej Pačobut na hanku suda.
Paśla ranišniaha pasiadžeńnia, fota Taćciany Haŭrylčyk.
Aksana Pačobut zalezła na płot, kab pabačyć kanvajavanaha muža, daylife.com
Aksana Pačobut i dačka Jana ŭ čakańni prysudu, daylife.com
Nieviadomyja ŭ cyvilnym zaminajuć pracy žurnalistaŭ, photobymedia.net
Nieviadomyja ŭ cyvilnym zaminajuć pracy žurnalistaŭ, photobymedia.net
Nieviadomyja ŭ cyvilnym vykručvajuć ruki žurnalistcy BiełaPANa Taćcianie Ziańkovič, fota Taćciany Haŭrylčyk.
14:35
Ludzi skandujuć «Svabodu» i śpiavajuć «Sto lat».
Pačobut na voli
Andrej vyjšaŭ na hanak i trymaje na rukach syna Jarasłava, jakoha jon nie bačyŭ ad 6 krasavika. Aksana Pačobut płača.
Takim čynam Andrej Pačobut atrymaŭ try hady z adterminoŭkaj na dva hady pavodle artykuła «paklop na prezidenta». Pavodle artykuła «abraza» jon apraŭdany.
Andrej prakamientavaŭ siońniašni vyrak.
Jon zaznačyŭ, što nie čakaŭ takoha prysuda, a rychtavaŭsia da turemnaha terminu. Navat siońnia ranicaj jon rychtavaŭsia da horšaha i navat užo pačaŭ «zadumvacca», dzie budzie adbyvać termin. «Čamuści dumałasia pra Mahiloŭskuju vobłaść», — kaža Andrej. «I tolki kali padčas začytańnia prysudu prahučała słova «adterminoŭka», ja narešcie asensavaŭ prysud.
«Liču, što vyniesieny prysud - heta vynik cisku na režym Łukašenki, vynik uviadzieńnia ekanamičnych sankcyj u dačynieńni da režymu. Ja zaŭsiody byŭ prychilnikam taho,
kab u dačynieńni da dyktarskich režymaŭ pravodzić ćviorduju palityku, bo tolki ćviordaja pazicyja daje vynik".
Pačobut pierakanany, što sensam «takich aryštaŭ i takich kryminalnych spraŭ źjaŭlajecca šantaž». «Biezumoŭna, heta była niejkaja sproba šantažu ŭ dačynieńni da Polščy. Alaksandr Łukašenka vykarystaŭ mianie jak instrumient cisku.
Ja vielmi rady, što nijakich sastupak z hetaj nahody Łukašenka nie atrymaŭ», — padkreśliŭ žurnalist.
Andrej zaznačyŭ, što nie źbirajecca pakidać žurnalistyku,
budzie praciahvać svaju dziejnaść, u tym liku i hramadskuju, ale pakul choča adpačyć.Prysud abmiažoŭvaje jaho ŭ pieramiaščeńniach, ale lepiej taki prysud, čym turma, skazaŭ Andrej.
«Katavańniaŭ u turmie nie było», — skazaŭ jon. Taksama Andrej prakamientavaŭ siońniašni incydent, kali jon, idučy pad kanvojem, upaŭ. Andrej skazaŭ, što jamu tak załamali ruki ŭ kajdankach, što jon prosta pavaliŭsia.
Andrej zaznačyŭ, što nijakich
Ludzi praciahvajuć fatahrafać Andreja fotaaparatami i mabilnikami. Narod pacichu razychodzicca. Milicyja taksama vielmi vietliva prapanuje razyścisia.
* * *
14:00
Žoncy Andreja Aksanie Pačobut zajavili, što na abviaščeńnie prysuda puściać 7 čałaviek. Biez žurnalistaŭ i biez fotakarespandentaŭ. Zaraz vyrašajecca, chto aproč svajakoŭ pojdzie ŭ zału suda. U zali suda było 15 śpiecnazaŭcaŭ.
10.40
Andrej viny nie pryznaŭ, paviedamlajuć reparciory NN
Stała viadoma, što siońnia ŭ časie dastaŭki ŭ budynak suda Andrej Pačobut upaŭ pa vinie kanvairaŭ. Advakat zajaviŭ, što budzie rychtavać skarhu pa hetym fakcie.
* * *
5 lipienia, a10-j hadzinie ŭ Hrodnie adnaviŭsia praces nad žurnalistam «Hazety vyborčaj» Andrejem Pačobutam. Papiarednie viadoma, što jamu pradastaviać apošniaje słova. Prakuror prapanavaŭ źniavolić žurnalista na try hady.
Praces pačaŭsia 14 červienia i prachodzić ź pierapynkami, jon nieadnarazova pieraryvaŭsia. Sud idzie ŭ zakrytym režymie, u zału suda nie puskajuć navat žonku z dačkoj i baćkoŭ Andreja.
Andrej abvinavačvajecca pavodle dvuch artykułaŭ Kryminalnaha kodeksu RB — 368 (častka I) — «abraza» i 367 (častka I) — «paklop» u adnosinach da Łukašenki.
* * *
Kryminalnaja sprava ŭ dačynieńni da žurnalista była zaviedziena 18 sakavika za artykuły ŭ polskaj «Gazeta Wyborcza», na sajcie «Biełorusskij partizan» i ŭ jahonym błohu. 6 krasavika Andrej byŭ aryštavany.
Pačobut śviadoma kinuŭ vyklik KDB. 8 studzienia žurnalistu vypisali aficyjnaje papiaredžańnie pra niedapuščalnaść supraćpraŭnych dziejańniaŭ (udzieł u niesankcyjanavanaj akcyi 19 śniežnia) za podpisam načalnika Upraŭleńnia KDB pa Hrodzienskaj vobłaści Ivana Karža.
Pačobut śćviardžaje, što pry hetym supracoŭniki hrodzienskaha KDB pahražali jamu i niekalki razoŭ ŭdaryli jaho pa hałavie. Jon padaŭ skarhu na dziejańni kadebistaŭ u vajskovuju prakuraturu. Vynikam nastojlivaści žurnalista stała sieryja pravierak i miedyčnych ekśpiertyz.
Adnačasova z žurnalistykaj, Andrej Pačobut zajmajecca i hramadskaj dziejnaściu: jon adzin ź lidaraŭ Sajuza palakaŭ. Pa adukacyi ž Pačobut — juryst, a taksama zajmajecca vyvučeńniem polskaha antysavieckaha ruchu ŭ Zachodniaj Biełarusi.