Razhlad kasacyjnaj skarhi sustaršyni arhkamiteta pa stvareńni partyi «Biełaruskaja chryścijanskaja demakratyja» (BCHD) Paŭła Sieviarynca adbudziecca 21 červienia ŭ 10 hadzin u Minskim haradskim sudzie.
Pry hetym Sieviaryniec sumniavajecca, što sud źmiakčyć abo admienić jamu pryhavor. «Tearetyčna takaja mahčymaść isnuje, ale heta vielmi sumniŭna», — skazaŭ jon.
Nahadajem, 16 maja Pavieł Sieviaryniec, kiraŭnik štaba kandydata ŭ prezidenty Vitala Rymašeŭskaha, byŭ pryhavorany sudom Zavodskaha rajona Minska da troch hadoŭ abmiežavańnia voli z nakiravańniem va ŭstanovu adkrytaha typu. Vierdykt abviaściła sudździa Žanna Brysina.
Sieviaryniec byŭ asudžany ŭ miežach spravy ab masavych biesparadkach u Minsku 19 śniežnia 2010 hoda pa č. 1 art. 342 Kryminalnaha kodeksa (arhanizacyja i padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł u ich). Hety artykuł praduhledžvaje pakarańnie ŭ vyhladzie pazbaŭleńnia voli na termin da troch hadoŭ.
Pieršapačatkova jon abvinavačvaŭsia ŭ arhanizacyi masavych biesparadkaŭ, jamu pahražała da 15 hadoŭ pazbaŭleńnia voli.
