Ja pajšoŭ na sustreču, tamu što cikaviła, što adbyłosia z hałavoj Niaklajeva paśla ŭdaru ab bampier. Narodu było niašmat, žančyny z aduchoŭlenymi tvarami, Fiaduta i błohiery. Za susiednimi stolikami čviakali vypadkovyja naviedvalniki.
Ja adrazu pajšoŭ u ataku:
- Pra što źbirajecca Niaklajeŭ damaŭlacca ź ludźmi, jakija ŭdaryli jaho hałavoj ab bampier?
- I naohuł, - pačulisia hałasy, - jak možna damaŭlacca z čełam, jaki niedamovazdolny, z naparstačnikam, z terarystam, zachopnikam zakładnikaŭ?
Fiaduta na hetyja pravakacyi adkazaŭ, što
z terarystami viaduć pieramovy, ale nie vykonvajuć ich patrabavańniaŭ.
- A ŭ sud vy źbirajeciesia padavać na hazietu "Vo słavu Rodiny», jakaja napisała, što vas źbili vašyja prychilniki, i paklałasia ŭ nastupnym numary raskazać padrabiaznaści?
- Dy chaj žyvie, - adkazaŭ Niaklajeŭ.
Jany bačać dla Biełarusi čatyry scenary raźvićcia situacyi:
- Jak va Uhandzie časoŭ Idzi Amina;
Kali pačali žerci adno adnaho? - udakładniŭ ja.
- Jak u Rumynii časoŭ Čaŭšesku;
Kali svaje pačali adno adnaho stralać, rastłumačyŭ Niaklajeŭ.
- Jak va Ukrainie «aranžavaja revalucyja»;
Kali Kučma, razumiejučy, što ŭładu nie ŭtrymaje, usio-tki addaŭ jaje demakratyčna abranamu Juščanku, taksama rastłumačyŭ Niaklajeŭ.
- Jak u Polščy;
Kali Jaruzelski pad ciskam pajšoŭ na pieramovy z Salidarnaściu i addaŭ uładu.
Niaklajeŭ ličyć, što ŭ nas spracoŭvaje čaćvierty scenar.
- Apazicyja ciapier jakraz nahadvaje Salidarnaść taho času. Nie adzinaje, mahutnaje manalitnaje ŭtvareńnie, a raźjadnanaść, što pieražyvaje ŭnutranyja supiarečnaści, składajecca z mnostva kankurujučych hrupovak, ruchaŭ.
U nas vajennaje stanovišča, bo ekanomika, a mienavita kankretnyja pradpryjemstvy (amal usie, na jaho dumku), całkam pieradadzienyja ŭ kiravańnie KDB.
Samaje cikavaje: što Niaklajeŭ źbirajecca rabić.
Vyjaŭlajecca, čakać, pakul usio samo nie naviarniecca.
A z pryčyny, jak jon ličyć, što Łukašenka viedaje, što samo naviarniecca, - prymusić jaho pravieści reformy. Spačatku palityčnyja, potym ekanamičnyja, i za dva-try miesiacy. Kab tut usio kančatkova nie pavaliłasia.
Ja nahadaŭ, što my - ekśpierymientalnaja kraina, što ŭ Arhientynie ŭ 2002 hodzie devalvavali piesa na 37% i narod vyjšaŭ hramić i źmioŭ urad, a ŭ nas užo 53% - i ničoha.
Niaklajeŭ kinuŭsia ŭ razvahi, što «vy pamiatajecie, jak dalar stabilizavaŭsia na 4200 i možna było tady..." Hetuju temu raźvivać mnie nie zachaciełasia, inakš dyskusija zajšła b u kančatkovy tupik.
Jon prapanuje šokavuju terapiju, praź jakuju prajšli ŭsie krainy, jakija rabili reformy.
U mianie ŭ razmovie z Pašam Daniejkam uspłyło, što Estonija, pieražyŭšy šokavyja reformy, stała sapraŭdnaj dziaržavaj, Litva - stała dziaržavaj, Polšča - stała dziaržavaj. A ŭ Biełarusi jość usie šancy, što paśla šokavaj terapii dziaržava źniknie.
(Ciapier siadžu i dumaju: voś čamu ŭ nas šok biez terapii)
Niaklajeŭ prapanuje reformy, ad jakich budzie horš, ale potym abaviazkova lepš.
Jon byŭ na rynku, i jamu kazali, što «voś jak by vy reformy pravodzili i da ŭłady pryjšli, ale kab Kamaroŭka zastałasia».
(Typovaja prajava našaj psichałohii «Ščaście - heta nie kali ciabie razumiejuć, a kali ŭ susieda karova zdochła»).
Ja, viadoma, nie ŭtrymaŭsia i iranična vykazaŭsia, što "ŭłada choča padmanuć usiaho tolki apazicyju, a apazicyja — usiu krainu".
Na Niaklajeva nasieli i zapatrabavali dakładnaj daty, kali ŭsio ŭ nas krachniecca, a jon pačnie.- 15 listapada.
Pry hetym śćviardžaje, što vystupaje za evalucyjny šlach.
- Chto choča revalucyi, padymicie ruki!
My družna padniali. Ja dakładna viedaju, čamu: niama čaho hladzieć pa BT. Nie mahu skazać, što nas było mała.
Jak skazaŭ Čerčyl brytancam, «mnie niama čaho prapanavać vam, akramia ciažkaj pracy». Urešcie anhielcam heta nadakučyła, i jany Čerčyla prakinuli na vybarach.
Fiaduta i Niaklajeŭ šmat i cikava havaryli pra siadzieńnie ŭ kamierach. Što pałkoŭniki bajacca, kab nie ŭspłyli ich proźviščy, razumiejuć, što ŭsio chutka skončycca i daviadziecca adkazvać, pra toje, jak jany pisali knihi, zajavy, pra režym adsiedki.
Ja raskazaŭ pra psichaanalitykaŭ, jakija zajmajucca reabilitacyjaj tych, chto vyjšaŭ z «amierykanki». Jon z prafiesijnym zachapleńniem kazaŭ, što ŭ KDB pracujuć vydatnyja psichołahi.
Fiaduta ŭspomniŭ, jak abłomvali, kali abviaściŭ miedykamientoznymi bajkot.
Dla pieramovaŭ dali pałkoŭnika, jaki byŭ jaho cenzaram i vajskovym psichołaham adnačasova.
Nie prymajučy tabletki, skazaŭ vajenny psichołah, vy vyjdziecie z turmy poŭnaj razvalinaj, jakoj pavinnaja budzie zajmacca vaša žonka. Vy chočacie ŭzvalić hety ciažar na jaje?
Arhumient padziejničaŭ, Fiaduta zdaŭsia.
Niaklajeŭ pryznaje dźvie pamyłki.
Pa-pieršaje, jon byŭ u ejfaryi ad paviedamleńniaŭ, jakija źlivali dypłamaty, što "iašče trochi, i Biełaruś u ES ustupić. Nu, nie ŭstupić ES, a padpiša pahadnieńnie ź Jeŭrasajuzam".
