U 1959 hodzie AAN pryniała Dekłaracyju pravoŭ dziciaci, a ŭ 1989 hodzie Hienieralnaja asambleja AAN zaćvierdziła Kanviencyju ab pravach dziciaci, jakuju padpisała 191 kraina. Hety dakumient źjaŭlajecca adnym z pryznanych mižnarodnych pahadnieńniaŭ pa pravach čałavieka.
Kanviencyja stała adnym ź pieršych mižnarodnych aktaŭ, da jakich dałučyłasia suvierennaja Respublika Biełaruś, — heta adbyłosia ŭ 1991 hodzie. Na asnovie kanviencyi ŭ 1993 hodzie byŭ pryniaty zakon «Ab pravach dziciaci» — pieršy taki dakumient u krainach SND. Biełaruś taksama dałučyłasia da fakultatyŭnych pratakołaŭ Kanviencyi ab pravach dziciaci, što tyčacca ŭdziełu dziaciej va ŭzbrojenych kanfliktach, handlu dziećmi, dziciačaj prastytucyi i dziciačaj parnahrafii.
Pavodle źviestak Biełstata,
kolkaść dziaciej za apošnija dziesiać hadoŭ źmienšyłasia na 654 tysiačy čałaviek. Na pačatak 2011 hoda ŭ Biełarusi pražyvali 1. 737,4 tysiačy dziaciej.
Štohod u Biełarusi vyjaŭlajecca bolš jak try tysiačy
U intervju BiełaPAN namieśnik pradstaŭnika Dziciačaha fondu JUNISIEF u Biełarusi Iryna Čutkova źviarnuła ŭvahu na aktualnaść vykanańnia rekamiendacyj Kamiteta AAN pa pravach dziciaci.
Hetyja rekamiendacyi byli zrobleny pa vynikach razhladu ŭ pačatku 2011 hoda dakłada Respubliki Biełaruś ab ažyćciaŭleńni pałažeńniaŭ Kanviencyi AAN «Ab pravach dziciaci» i pratakołaŭ da jaje.
Kamitet, u pryvatnaści, rekamiendavaŭ biełaruskamu ŭradu praciahvać pracavać pa pryviadzieńni nacyjanalnaha zakanadaŭstva ŭ adpaviednaść z pałažeńniami Kanviencyi, u pryvatnaści, u śfiery papiaredžańnia žorstkaha abychodžańnia i nasilla ŭ adnosinach da dziaciej, stvareńnia ŭmoŭ dla maksimalna mahčymaha raźvićcia patencyjału dziaciej z asablivaściami psichafizičnaha raźvićcia i intehracyi ich u hramadstva i inšych śfierach.
«Ekanamičnyja ciažkaści i ałkahalizm źjaŭlajucca adnymi z klučavych faktaraŭ, što viaduć da raspadu siamji, traplańnia dziciaci ŭ situacyju adsutnaści baćkoŭskaha kłopatu, hrebavańnia intaresami dziciaci, žorstkaha abychodžańnia, — zaznačyła Čutkova.
JUNISIEF ličyć nieabchodnym stvareńnie ŭ Biełarusi sistemy juvienalnaj justycyi. U pracy ź dziećmi, jakija ŭstupili ŭ kanflikt z zakonam, akcenty pavinny być źmieščanyja z karnych na vychavaŭčyja i reabilitacyjnyja miery, rastłumačyła pradstaŭnik Dziciačaha fondu.
Aprača taho, zaznačyła jana, treba aktyŭna raźvivać intehravanaje navučańnie dziaciej z asablivaściami psichafizičnaha raźvićcia i stvarać biezbarjernaje asiarodździe.
Zaraz u Biełarusi na bazie zvyčajnych škoł stvorany 222 śpiecyjalnyja kłasy, 5.634 kłasy intehravanaha navučańnia, a taksama 1.368 punktaŭ
Pavodle słoŭ pradstaŭnika JUNISIEF, „ciažkaja ekanamičnaja situacyja ŭ krainie moža pastavić pad sumnieńnie hetyja płany“. Pry hetym jana ŭkazała na stabilnaść stvoranaj u Biełarusi sistemy sacyjalnaj, miedycynskaj i piedahahičnaj padtrymki.
Jak by tam ni było, dziaržavie važna zachavać sistemu achovy dziacinstva i kadry, padkreśliła Čutkova.
Prablema niedachopu miedycynskich, piedahahičnych rabotnikaŭ u Biełarusi, asabliva ŭ sielskaj miascovaści, užo adčuvajecca. Vyklučać, što jana ŭ ciapierašniaj situacyi jašče bolš uzmocnicca, nielha, tamu što z u likam nievysokich zarpłat i rostu cen kadry budzie ŭtrymlivać usio ciažej», — zaznačyła śpiecyjalist.
Sa svajho boku JUNISIEF maje namier «maksimalna aktyvizavać namahańni pa pryciahnieńniu dadatkovych donarskich srodkaŭ dla realizacyi ŭ Biełarusi prajektaŭ u intaresach dziaciej», zapeŭniła Iryna Čutkova.
