Mierkavałasia, što ludzi arhanizavana vyjeduć na praśpiekt Niezaležnaści.
Ad pačatku supracoŭniki DAI čakali ŭdzielnikaŭ akcyi na troch aŭtazapraŭkach, dzie mierkavaŭsia zbor. Jany zabirali pravy ŭ kiroŭcaŭ, jakija mieli na łabavym škle nalepki ź simvolikaj akcyi.
Na adnoj z zapravak, što pa vulicy Lenina, śpiecnaz zatrymaŭ adnaho z arhanizataraŭ akcyi «Stop-benzin» Arcioma Šarkova. Jaho pratrymali ŭ milicyi kala dźviuch hadzinaŭ.
Tym nie mienš, niekalki dziasiatkaŭ aŭtaamataraŭ zdoleli vyjechać na praśpiekt Niezaležnaści z admysłovym žadańniem vykazać svoj pratest.
Na tratuarach za imi nazirali dziasiatki cikaŭnych i žurnalistaŭ.
Aŭtaamatary ruchalisia z uklučanaj avaryjnaj sihnalizacyjaj na nievialikaj chutkaści.
Supracoŭniki DAI spyniali aŭtamabili ź simvolikaj akcyi i čornymi stužkami na antenach.
Tym nie mienš, hrupki aŭtamabilistaŭ zdoleli dajechać da Akademii Navuk. Daišniki ŭparta spyniali mašyny ŭzdoŭž usio trasy.