Siońnia ŭ Minharvykankamie prajšła sustreča zajaŭnikaŭ štohadovaj vuličnaj akcyi «Čarnobylski šlach» z haradskimi ŭładami.Na joj prysutničali staršynia arhkamiteta «Čarnobylskaha šlacha» Jury Chadyka i sakratar Biełaruskaj chryścijanskaj demakratyi Dzianis Sadoŭski.
Pieršapačatkova zajaŭniki prasili 26 krasavika, a 18:00 zbor na placoŭcy la Akademii navuk i dalejšaje šeście pa Surhanava da Čarnobylskaj kaplicy.Pa takim maršrucie prachodzili apošnija «Čarnobylskija šlachi».
Dzianis Sadoŭski kaža, što ŭ harvykankamie im vydali papieru, dzie havorycca, što «Akademija navuk nie moža być miescam masavych akcyi, bo znachodzicca bližej, čym 200 mietraŭ ad mietro».
Sadoŭski ŭdakładniŭ, čamu tady letaś zbor na Akademii dazvolili. Adkaz byŭ prykładna takim: tady vyrašyli dazvolić, a ciapier — nie. Biez asablivaha tłumačeńnia.
U vyniku zajaŭnikam dazvolili tolki mitynh ad 18 da 20 u Parku Družby narodaŭ, navat nie kala Čarnobylskaj kaplicy. Pavodle pradstaŭnika BCHD, zaŭtra jany źbirajucca razmaŭlać ź milicyjaj, kab ludziam dazvolili sabracca la kaplicy.
Kančatkovaje rašeńnie arhanizatary prymuć u sieradu, a 17 hadzinie. Dzianis Sadoŭski ličyć admovu Minharvykankamu niezakonnaj.
0
0
0
0
0
0
