Jak paviedamlajuć pravaabaroncy, taki pikiet zabaronieny ŭ Słonimie (Hrodzienskaja vobłaść) pad markaj taho, što zajaŭniki abrali dla jaho miesca, jakoje nie praduhledžana dla takich akcyj. Zajaŭku na pikiet padavali pradstaŭniki słonimskaha abjadnańnia demakratyčnych sił. Jany prasili dazvołu pravieści pikiet u centry Słonima, pobač ź miascovym rynkam.
Pikiet taksama nie byŭ dazvoleny ŭ Babrujsku (Mahiloŭskaja vobłaść). Jon pavinien byŭ prajści 21 krasavika na stadyjonie na vulicy Uryckaha. Zajaŭnikami vystupali haradskaja arhanizacyja Abjadnanaj hramadzianskaj partyi i Biełaruskaja partyja levych «Spraviadlivy śviet». Adnak harvykankam admoviŭ u praviadzieńni pikieta na padstavie taho, što
Jak adznačyŭ kiraŭnik babrujskaj struktury AHP Viktar Buzinajeŭ, usie arhanizacyi, jakija zajavili praviadzieńnie pikieta, majuć u Babrujsku ofisy i zarehistravany naležnym čynam.
Baranavicki harvykankam nie dazvoliŭ pravieści čarnobylski pikiet 26 krasavika na płoščy Lenina. Heta stała viadoma ź lista, jaki atrymali 16 krasavika hramadskija aktyvisty Viačasłaŭ Bołbat, Siarhiej Haŭša i Viktar Syryca. Pavodle rašeńnia harvykankama ad 16 červienia 2009 hoda, miescam dla praviadzieńnia masavych mierapryjemstvaŭ u horadzie źjaŭlajecca stary park kultury i adpačynku pa vulicy Kamsamolskaj.
Viktar Syryca adznačyŭ, što ŭ starym parku ciapier pravodziacca ramontnyja raboty i tam amal niama ludziej. Pravodzić u takim miescy pikiet, pryśviečany
Tym časam, jak skazaŭ BiełaPAN adzin z zajaŭnikaŭ minskaha «Čarnobylskaha šlachu — 2011» Dzianis Sadoŭski, pakul nie atrymany adkaz ź Minharvykankama na zajaŭku ab jaho praviadzieńni. Zajaŭka była padadziena 5 krasavika. Płanujecca, što zbor udzielnikaŭ akcyi projdzie na placoŭcy kala budynka prezidyuma Nacyjanalnaj akademii navuk u 17.45, u 18.30 pačniecca šeście ŭ bok Čarnobylskaj kaplicy ŭ parku Družby narodaŭ, paśla zakančeńnia šeścia — mitynh.
