Raniej Hienprakuratura papiaredziła Starykieviča za «raspaŭsiud nieabhruntavanaj infarmacyi ab trahičnych padziejach u Minskim mietrapalitenie».
Alaksandr Starykievič. Fota photo.bymedia.net
16 krasavika hałoŭnaha redaktara internet-haziety «Salidarnaść» Alaksandra Starykieviča dapytali ŭ prakuratury ŭ jakaści śviedki pa spravie vybuchu ŭ mietro. Pry dopycie prysutničaŭ advakat žurnalista. Pa słovach Starykieviča, jaho vyklikali pa telefonie, biez paviestki, ale jon vyrašyŭ iści. «Ničoha cikavaha pa-sutnaści nie było», — kaža redaktar «Salidarnaści». Jon miarkuje, što prakuratura mahła atrymać zahad dapytać peŭnaje koła asobaŭ. Žurnalist nie vyklučaje, što heta źviazana z zahadam Łukašenki dapytać usich u ramkach kryminalnaj spravy. «Mahčyma, hetyja tak zvanyja palityki ad piataj kałony nam raskryjuć karty i pakažuć, chto ž zamoviŭ? Moža, chtości i z uładaŭ? Usich dapytać. U miežach kryminalnaj spravy ŭsich pryciahnuć i dapytać, niahledziačy ni na jakuju demakratyju i voj i stohny zamiežnych pakutnikaŭ. Materyjały jość. Biarycie, daśledujcie, niachaj tłumačać, adkul u ich heta infarmacyja», — zajaviŭ na minułym tydni Łukašenka. Zajava była zroblenaja paśla taho, jak Hienprakuratura vyniesła papiaredžańni za «raspaŭsiud nieabhruntavanaj infarmacyi ab trahičnych padziejach u Minskim mietrapalitenie» lidaru Ruchu «Za svabodu» Alaksandru Milinkieviču, byłomu supracoŭniku KDB Valeryju Kostku i redaktaru internet-haziety «Salidarnaść» Alaksandru Starykieviču.
