Z dvuch stancyjaŭ minskaha mietro — «Kastryčnickaj» i «Płoščy Jakuba Kołasa» — paśla terakta 11 krasavika prybrali łavački.
Pra heta paviedamiŭ namieśnik načalnika minskaha mietrapalitena Aleh Kruhłoŭ. «My ŭžo prybrali z dvuch stancyj łavački. Heta było pierad adkryćciom stancyi «Kastryčnickaja». My prybrali na stancyi «Kastryčnickaja» i «Płošča Jakuba Kołasa».
Pra toje, što łavački ŭ mietro niepatrebnyja, 16 krasavika zajaviŭ žurnalistam Alaksandr Łukašenka. «Chiba mietro dla taho, kab pryjści i adpačyć? Ciahniki tam chodziać litaralna praź niekalki chvilinaŭ, 2–3 ŭ hadziny pik. Nu navošta? Zaŭždy prahladajecca natoŭp. Niama łavački — staić sumka, pakiet, imhnienna źviernuć uvahu», — skazaŭ kiraŭnik krainy. Cikava, što z «Kastryčnickaj» i «Płoščy Jakuba Kołasa» łavački źnikli jašče da hetaj zajavy.
Aleh Kruhłoŭ dadaŭ, što łavački ŭ mietro praduhledžvalisia prajektam, to bok budavalisia pieršapačatkova razam ź mietro.
Ci buduć prybirać łavački ź inšych stancyj — pakul nieviadoma.
