U Kamitecie dziaržbiaśpieki ličać, što zatrymanym pa spravie ab vybuchu ŭ Minskim mietrapalitenie možna pradjavić abvinavačańnie.
Jak zajaviŭ vuzkamu kołu žurnalistaŭ načalnik Centra infarmacyi i hramadskich suviaziej KDB Alaksandr Antanovič, «atrymany abjektyŭnyja i nieabvieržnyja dokazy padrychtoŭki da ŭčynieńnia vybuchu asnoŭnym padazronym šlacham rekahnascyroŭki im maršrutu svajho ruchu, miesca ŭstanoŭki vybuchovaj pryłady, raźmiaščeńnia abjektaŭ arhanizacyi biaśpieki mietrapalitena, chronamietražu ruchu ciahnikoŭ i źbirańnia ludziej».
«
Usia hetaja padrychtoŭka viałasia im napiaredadni, 10 krasavika 2011 hoda, u pieryjad z 16.38 da 17.10»,— adznačyŭ Antanovič, frahmienty vystupleńnia jakoha byli pakazany 16 krasavika pa biełaruskich telekanałach.
«Z udziełam zamiežnych śpiecyjalistaŭ praviedzieny dakładnyja daśledavańni miescaŭ vyrabu vybuchovaj pryłady i inšych rečavych dokazaŭ. Namahańniami śledčych i apieratyŭnaha składu była znojdzieny dystancyjnaja pryłada, pry dapamozie jakoj uzryŭčatka była pryviedziena ŭ dziejańnie», — skazaŭ načalnik CIHS.
Pavodle jaho słoŭ, dla detalovaha vyvučeńnia psichiki terarysta ŭ pracu ŭklučany vysokakvalifikavanyja śpiecyjalisty Instytuta nacyjanalnaj biaśpieki i Nacyjanalnaj akademii navuk. U chodzie śledstva «raskryvajucca novyja abstaviny i fakty, koła asob, jakija ŭjaŭlajuć cikavaść, pašyrajecca».
«Praciahvajecca praca zamiežnych ekśpiertaŭ. Ich vyniki dazvalajuć abjektyŭna i adnaznačna pradjavić abvinavačańnie zatrymanym, a taksama atrymać zaklučeńni śpiecyjalizavanych instytutaŭ i arhanizacyj u ramkach akazańnia mižnarodnaj pravavoj dapamohi», — paviedamiŭ aficyjny pradstaŭnik KDB.
