Žanočaja zbornaja Biełarusi pa tenisie pieramahła kamandu Estonii i vyjšła ŭ Suśvietnuju hrupu II Kubka Fiederacyj.
Paśla pieršaha hulniavoha dnia plej-of Suśvietnaj hrupy II Kubka Fiederacyj zbornaja Biełarusi pieramahała Estoniju ź likam 2:0. Hulni prachodzili ŭ minskim Pałacy sportu.
U pieršy dzień Viktoryja Azaranka (№5 u suśvietnym rejtynhu) vyjhrała ŭ Anet Kantaviej (№835) – 6:2, 6:0, a zatym Volha Havarcova (№117) razhramiła Marhit Rujtel (№451) – 6:0, 6:0.
Druhi hulniavy dzień raspačaŭsia adzinočnym pajadynkam pamiž Darjaj Kustavaj (№175) i Maret Ani (№622). Pieramohu ŭ dvuch setach atrymała biełaruska – 6:3, 6:1. Nastupnaj na kort vyjšli Volha Havarcova (№117) i Anet Kantaviej(№835). U hetaj sustrečy pieramohu śviatkavała Volha – 6:0, 6:2. Na parny pajadynak ad biełarusak vyjšli Darja Kustava i Taćciana Pučak. Ad zbornaj Estonii hulali Maret Ani i Anet Kantaviej. Pieramohu znoŭ śviatkavali biełaruski – 6:2, 6:3. Ahulny lik sustrečy 5:0 na karyść Biełarusi.
Kamandy vychodziać na kort.
Zbornaja Biełarusi z žałobnymi stužkami ŭ znak pamiaci pa achviaram vybuchu ŭ minskim mietro.
Darja Kustava prymaje padaču ad Maret Ani.
Darja Kustava.
Darja Kustava pieramahła Maret Ani ŭ dvuch setach – 6:3, 6:1.
Cieni na korcie.
Darja Kustava Vitaje hledačoŭ.
Volha Havarcova čakaje padačy ad Anet Kantaviej.
Padača Volhi Havarcovaj.
Anet Kantaviej nie daciahvajecca da miača.
Volha Havarcova prymaje padaču estonki.
Volha Havarcova pieramahła Anet Kantaviej – 6:0, 6:2
Na parny pajadynak ad biełarusak vyjšli – Darja Kustava i Taćciana Pučak.
Taćciana Pučak dastaje miač ad estonki.
Čakałasia, što na parny matč budzie zajaŭlena Viktoryja Azaranka, ale lepšaja tenisistka biełaruskaj zbornaj vyrašyła nie hulać.
Pierapynak pamiž setami.
Kustava i Pučak vinšujuś adna adnu – pieramoha ŭ parnym matčy nad estonkami – 6:2, 6:3.
Kubak Fiederacyi najbujniejšyja mižnarodnyja spabornictvy pa tenisu siarod žančyn – anałah mužčynskaha Kubka Devisa.
Na šlachu da płej-of biełaruski ŭ lutym pieramahli zbornyja Aŭstryi, Charvatyi, Hrecyi i Polščy. Da pačatku płej-of Biełaruś zajmała 19-y radok u suśvietnym rejtynhu žanočych zbornych. Estonija da płej-of Suśvietnaj hrupy II Kubka Fiederacyj zajmała 13-y radok. Paśla siońniašniaj pieramohi rejtynh Biełarusi pavinien vyraści na niekalki pazicyj a z nastupnaha siezonu žanočaja zbornaja Biełarusi pa tenisie budzie hulać u bolš macniejšaj Suśvietnaj hrupy II.
