Trejd-in dazvoleny ŭ Biełarusi 1

U Biełarusi dazvoleny trejd-in (kupla aŭtadyleram staroha aŭtamabila klijenta ŭ zalik novaj inšamarki), paviedamiła hienieralny dyrektar aŭtamabilnaj asacyjacyi «BAA» Ludmiła Šabanava.

Heta praduhledžana ŭkazam № 130, padpisanym kiraŭnikom dziaržavy 4 krasavika.

Zhodna z ukazam padatkovaja baza dla raźliku PDV pry realizacyi jurydyčnymi asobami i indyvidualnymi pradprymalnikami transpartnych srodkaŭ, nabytych u fizičnych i (abo) jurydyčnych asob, u tym liku za miežami Biełarusi, vyznačajecca jak roźnica pamiž canoj realizacyi i canoj nabyćcia hetych transpartnych srodkaŭ. Pry hetym košt realizacyi i košt nabyćcia vyznačajucca z ulikam padatku na dabaŭlenuju vartaść. Raniej PDV raźličvaŭsia z poŭnaha koštu aŭtamabila, što rabiła schiemu trejd-in patencyjna stratnaj dla aŭtadyleraŭ.

Hiendyrektar asacyjacyi acaniła ŭkaz jak «vielmi piśmienny i efiektyŭny z punktu hledžańnia raźvićcia rynku novych aŭtamabilaŭ i aficyjnaha rynku beušnych aŭtamabilaŭ». Ciapier kali aŭtamabilistu treba budzie pamianiać svoj aŭtamabil, jon zmoža heta zrabić jak na stychijnym rynku, tak i ŭ aŭtadylera.

Ukaz ustupaje ŭ siłu z 1 traŭnia. Pry hetym Saviet Ministraŭ pavinien budzie ŭ dvuchmiesiačny termin zabiaśpiečyć pryviadzieńnie aktaŭ zakanadaŭstva ŭ adpaviednaść z ukazam i pryniać inšyja miery pa jaho realizacyi.

Akramia taho, kab ukaranić sistemu trejd-in, aŭtadyleram spatrebicca niejki čas.

«Nieabchodny inviestycyi i čas, ale pierśpiektyvy adkryvajucca vielmi vialikija», — ličyć Ludmiła Šabanava.

Aŭtamabilnym kampanijam treba jašče vyrašyć mnostva pytańniaŭ, źviazanych z ukaranieńniem sistemy «trejd-in». U pryvatnaści, da hetaha času niezrazumieła, jakuju harantyju padavać na patrymanyja aŭtamabili, dzie ich zachoŭvać, jakim čynam šukać na ich pakupnikoŭ, jak buduć strachavacca ryzyki aŭtadyleraŭ na vypadak zvarotu takich aŭtamabilaŭ pa harantyi.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH