ŽŽ iznoŭ nie pracuje 5

U noč z 5 na 6 krasavika «Žyvy Žurnał» pierastaŭ pracavać treci raz z pačatku miesiaca.

Prablemy z dostupam da ŽŽ pačali ŭźnikać jašče 24 sakavika, adnak całkam zakryć sajt dla karystalnikaŭ chakiery zmahli tolki 30 sakavika.

Administracyja Livejournal, nie kankretyzuje, chto mienavita z karystalnikaŭ ŽŽ staŭ abjektam DDoS-ataki. Miarkujecca, što chakierski napad na servis błohaŭ LiveJournal źviazany z kampanijami suprać muzyki Juryja Šaŭčuka i piśmieńnika Uładzimira Sarokina, a taksama błohi apazicyjnych dziejačaŭ i žurnalistaŭ, takich jak Alaksiej Navalny i inšyja, ličyć adzin z samych papularnych rasiejskich błohieraŭ, žurnalist Anton Nosik.

Miechanizmy DDoS-ataki mohućbyć roznymi, adnak najčaściej prymianiajecca nastupny ź ich — chakiery nakiroŭvajuć mahutny patok zapytaŭ na adpaviednyja adrasy, tym samym błakujučy ich całkam, albo uskładniajučy dostup.

Sajt paprostu nie spraŭlajecca z kolkaściu takich virtualnych naviedvalnikaŭ i zapytaŭ, jakija jany robiać.

Akramia błoha Alaksieja Navalnaha i samoha Antona Nosika, chakiery atakavali staronki Arciemija Lebiedzieva, Siarhieja Łukjanienki, Dźmitryja Čarnyšova, Michaiła Zadornava i inšych.

Siońniašniaja načnaja ataka adbyłasia niahledziačy na zajavu administracyi LiveJournal ab mahčymaści zvarotu ŭ pravaachoŭnyja orhany z zajavaj ab uzbudžeńni kryminalnaj spravy pa fakcie chakierskich napadaŭ na ŽŽ.

Błakavańnie ŽŽ adbiłasia i na biełaruskich karystalnikach. Aŭtarytet servisu, jaki i biez hetaha mocna źniziŭsia za apošnija hady, zaraz uvohule ledź trymajecca. Vialikaja kolkaść karystalnikaŭ užo zajaviła ab žadańni pierajści ŭ sacyjalnyja sietki i inšyja servisy błohaŭ.

AP

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH