«U nas siońnia načalnik Słužby biaśpieki prezidenta — chłopiecz-pad Arenburhu abo Varonieža, i tam svajaki jaho žyvuć. Ministr abarony ŭ nas maskvič Juryj Viktaravič Žadobin. Dziaržsakratar, jaki kuryruje siłavy błok, — ruski čałaviek. Ministr zamiežnych spravaŭ u nas ruski, z savieckaha MZS pryjšoŭ. Namieśnik kiraŭnika Administracyi prezidenta, učorašnivice-prem jer, — maskvič Kabiakoŭ».
Alaksandr Łukašenka (ź intervju haziecie «Zavtra»).
A ciapier pačytajem aficyjnyja bijahrafii nazvanych piersonaŭ.
Andrej Uciuryn, načalnik Słužby biaśpieki prezidenta. Naradziŭsia ŭ 1971 hodzie ŭ Pienzie. U 1992 hodzie skončyŭ Sarataŭskaje vyšejšaje vajskovaje kamandnaje vučylišča MUS Rasii, a ŭ 2002 hodzie — Akademiju MUS Biełarusi.
Juryj Žadobin, ministr abarony. Naradziŭsia ŭ 1954 hodzie ŭ Dnieprapiatroŭsku (Ukraina). U 1976 hodzie skončyŭ Kazanskaje vyšejšaje tankavaje kamandnaje vučylišča, u 1985 — kamandny fakultet Vajskovaj akademii braniatankavych vojskaŭ. U 1999 hodzie pryznačany na pasadu namieśnika ministra ŭnutranych spravaŭ — kamandujučaha ŭnutranymi vojskami. Paźniej kiravaŭ Słužbaj biaśpieki prezidenta, byŭ staršynioj KDB, dziaržaŭnym sakratarom Savieta biaśpieki. 4 śniežnia 2009 pryznačany kiravać abaronnym viedamstvam.
Leanid Malcaŭ, dziaržsakratar Savieta biaśpieki. Naradziŭsia ŭ 1949 hodzie ŭ vioscy Vicinieŭka Słonimskaha rajona Hrodzienskaj vobłaści. U vojsku z 1967 hoda. Skončyŭ Minskaje suvoraŭskaje vajskovaje vučylišča, Kijeŭskaje vyšejšaje ahulnavajskovaje kamandnaje vučylišča, Vajennuju akademiju imia Frunzie, Vajskovuju akademiju Hienieralnaha štaba ŭ Maskvie (z adznakaj). Jak i ŭsie vajskoŭcy, słužyŭ u roznych miescach Savieckaha Sajuza i ŭ Hiermanii.
Siarhiej Martynaŭ, ministr zamiežnych spravaŭ. Naradziŭsia ŭ 1953 hodzie ŭ Leninakanie (Armienija). U 1975 h. skončyŭ Maskoŭski dziaržaŭny instytut mižnarodnych adnosin. Z
I tolki pra Andreja Kabiakova ŭsio skazana pravilna — jon sapraŭdy maskvič.
Naradziŭsia ŭ 1960 hodzie ŭ Maskvie. U 1983 hodzie skončyŭ Maskoŭski avijacyjny instytut, u 1991 hodzie — Biełaruski dziaržaŭny instytut narodnaj haspadarki imia Kujbyšava, u 1991 hodzie — Instytut palitałohii i sacyjalnaha kiravańnia KPB. Pracoŭnuju dziejnaść pačaŭ majstram miechanazboračnaha cecha na zavodzie imia Vaviłava ŭ Minsku.
Vidavočna, što A. Łukašenka hrašyć «niedakładnaściami» admysłova, kab spadabacca rasijskim čytačam śpiecyfičnaj haziety «Zavtra». Ale navošta ž ludziej kryŭdzić?
