U zonie japonskaha ziemlatrusu zastajecca hramadzianka Biełarusi 1

U Japonii ciapier znachodzicca bolš za 50 biełarusaŭ, i mnohija ź ich majuć namier u bližejšy čas pakinuć krainu. Pra heta paviedamiŭ pres-sakratar MZS Biełarusi Andrej Savinych.

Pavodle jaho słoŭ, biełaruskija hramadzianie, jakija pražyvali ŭ prefiekturach Mijahi i Fukusima (što najbolš paciarpieli ad udaru stychii), pakinuli Japoniju jašče da pačatku ziemlatrusu.

Savinych paviedamiŭ, što ciapier

u prefiektury Mijahi zastajecca adna hramadzianka Biełarusi. Jana źviazałasia z pasolstvam u Tokia i paviedamiła, što nichto ź jaje siamji nie paciarpieŭ.

Jašče adna biełaruskaja hramadzianka, jakaja pražyvała ŭ prefiektury Ivate, była evakujavanaja japonskimi ŭładami.

Ziemlatrus mahnitudaj 9 adbyłosia ŭ Japonii 11 sakavika. Jano vyklikała cunami vyšynioj bolš 10 mietraŭ. Pa apošnich dadzienych, kolkaść zahinuŭšych i prapaŭšych bieź viestak z-za stychijnaha biedstva pieravysiła 10 tysiač čałaviek. Akramia taho, udar stychii pryvioŭ da vybuchaŭ na pieršym, druhim i trecim enierhabłokach i pažaru na čaćviortym enierhabłoku AES «Fukusima-1». Pavodle danych MAHATE, adbyłasia ŭciečka radyjacyi ŭ atmaśfieru.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH