Apošni zvanok dla vučniaŭ 9-ch i 11-ch kłasaŭ biełaruskich škoł u hetym hodzie prahučyć 30 i 31 maja.
Pavodle infarmacyi ŭpraŭleńnia ahulnaj siaredniaj adukacyi Ministerstva adukacyi, z 1 pa 12 červienia projduć usie vypusknyja ekzamieny jak dzieviaci-, tak i adzinaccacikłaśnikaŭ.
Vypusknikam bazavaj škoły treba budzie zdać čatyry ekzamieny: biełaruskaja mova (piśmova), ruskaja mova (piśmova), matematyka (piśmova) i historyja Biełarusi (vusna). Vypusknikam siaredniaj škoły - dva abaviazkovyja piśmovyja ispyty: biełaruskaja abo ruskaja mova pa vybary i matematyka, a taksama treci vusny ispyt pa lubomu z školnych pradmietaŭ na vybar.
Vypuskniki 9-ch kłasaŭ škoł i vypuskniki 11-ch kłasaŭ himnazij, licejaŭ, jakija navučalisia ŭ kłasach fiłałahičnaha napramki, buduć pisać pierakaz, a vypuskniki škoł, himnazij i licejaŭ, jakija navučalisia ŭ kłasach fizika-matematyčnaha napramki, - ekzamienacyjnuju rabotu pa matematycy.
Vypusknyja viečary dla navučencaŭ 11-ch kłasaŭ Ministerstva adukacyi rekamienduje pravieści 11/12 červienia.