Žurnalist Andrej Pačobut atrymaŭ aficyjnaje papiaredžańnie ad prakuratury Hrodzienskaj vobłaści. Za pracu na polskuju «Hazietu Vyborčuju» biez akredytacyi.
«Na sajcie "Haziety Vyborčaj" u Internecie pad Vašym imiem apublikavanyja drukavanyja materyjały, jakija aśviatlajuć padziei ŭ Respublicy Biełaruś. U toj ža čas ŭstanoŭlena, što termin Vašaj akredytacyi karespandentam "Haziety Vyborčaj" pry Ministerstvie Zamiežnych Spraŭ Respubliki Biełaruś skončyŭsia 2009.02.24 h. Zvarot redakcyi haziety ab jaje padaŭžeńni nazvanym ministerstvam pakinuty biez zadavalnieńnia. U adpaviednaści z art. 35 zakona Respubliki Biełaruś "Ab srodkach masavaj infarmacyi" ažyćciaŭleńnie prafiesijnaj dziejnaści žurnalistaŭ zamiežnych ŚMI biez akredytacyi zabaraniajecca. Adnak hetaje patrabavańnie zakona vami nie vykonvajecca», — havorycca ŭ papiaredžańni, padpisanym prakuroram Hrodzienskaj vobłaści Viktaram Marozam.
Andrej Pačobut ličyć, što prakuratura i MZS parušajuć jahonaje kanstytucyjnaje prava na zbor i raspaŭsiud infarmacyi i nie źbirajecca spyniać žurnalisckuju dziejnaść.
Nahadajem, što 9 sakavika Andrej Pačobut źviarnuŭsia z adkrytym listom da hienieralnaha prakurora Ryhora Vasileviča, u jakim paprasiŭ razabracca ź jurydyčnym kazusam, jaki, na jaho dumku, uźnik u vyniku vyniasieńnia jamu administracyjnaha prysudu za ŭdzieł u niesankcyjanavanaj akcyi 19 śniežnia 2010 h.
