Top-10 krain, dzie čaściej za ŭsio adpačyvajuć biełarusy, minimum treci hod zapar zastajecca bieź źmianieńniaŭ. U 2010 hodzie turystyčnyja patoki raźmierkavalisia nastupnym čynam:
Ukraina -- 132 254, Turcyja -- 83 266, Jehipiet -- 50 786, Bałharyja -- 30 364, Rasija -- 25 792, Čechija -- 8 787, Polšča -- 7 407, Litva -- 6 895, Italija -- 5 807, Francyja -- 5 060.
Patok biełaruskich turystaŭ pavialičyŭsia va ŭsie krainy biez vyklučeńnia: va Ukrainie pabyvała na 34 621 biełarusa bolš, u Turcyi - na 18 175, u Jehipcie - na 6 885, u Bałharyi - na 8 798.
Usiaho ŭ 2010 hodzie ź Biełarusi z metaj turyzmu vyjazdžali 414 735 čałaviek,
što na 98 413 bolš, čym hodam raniej. Pry hetym biełaruskija turysty stali čaściej byvać u Aŭstryi, Vienhryi, Hiermanii, Hrecyi, Danii, Daminikanskaj Respublicy, Izraili, Indyi, Isłandyi, Ispanii, Maroka, Mieksicy, Narviehii, AAE, Sierbii, ZŠA, Finlandyi, Charvatyi, Čarnahoryi, Šviejcaryi i Šviecyi , a taksama na Kipry, Kubie, Malcie, Siejšełach, Filipinach i Šry-Łancy.
Što tyčycca redkich dla biełarusaŭ kirunkaŭ, to tut možna adznačyć Azierbajdžan, dzie ŭ 2010 hodzie pabyvaŭ 41 biełarus, u toj čas jak hodam raniej biełaruskija turysty zusim nie vykazvali cikavaści da hetaj krainy. Ź inšych krain śvietu, naviedvańnie jakich biełarusami z metaj turyzmu ŭ 2009 hodzie nie zafiksavała statystyka, varta adznačyć Katar (11 turystaŭ u 2010 hodzie), Kieniju (16), Paŭdniovuju Kareju (15), Ruandu (8) i Čyli (4). Pa adnym biełarusu ŭ minułym hodzie pabyvali ŭ Armienii, Hrenłandyi, Irłandyi, Kabo-Verde i Uruhvai.
U zaklučeńnie varta adznačyć, što ŭ minułym hodzie biełaruskija turysty daŭžej usiaho znachodzilisia ŭ Bałharyi - u siarednim 14 dzion (na adzin dzień mienš, čym u 2009-m), a samym darahim adpačynak byŭ u Hrecyi - adzin dzień znachodžańnia na kurortach krainy abychodziŭsia biełarusam u 91 dalar ZŠA (na 10 dalaraŭ daražej, čym hodam raniej).
