Pavodle prahnozu Respublikanskaha hidramieteacentra, u najbližejšyja sutki, 12 lutaha, u mnohich rajonach krainy čakajecca miacielica, nočču pa paŭnočnym zachadzie, dniom na bolšaj častcy terytoryi krainy ŭzmacnieńnie vietru paryvami da 15–20 m/s. Tempieratura pavietra na praciahu sutak ad minus 1°S pa poŭdni da minus 12°S pa poŭnačy, u Viciebskaj vobłaści miescami da minus 16°S.
U nastupnyja dvoje sutak čakajecca pachmurna z prajaśnieńniami. 13 lutaha miescami karotkačasovy śnieh, słabaja miacielica. Na asobnych učastkach daroh hałalodzica. Viecier paŭnočna-zachodni, paŭnočny 5–10 m/s, nočču pa Homielskaj vobłaści ŭ asobnych rajonach paryvy da 15–18 m/s. Čakajecca rezkaje pachaładańnie. Tempieratura pavietra nočču minus 13–20°S, pa paŭnočnym uschodzie pry prajaśnieńniach da minus 24°S, dniom minus 10–17°S; pa paŭdniovym zachadzie nočču minus 7–12°S, dniom minus 4–9°S.
14 lutaha pa ŭschodniaj pałovie krainy miescami karotkačasovy śnieh. Nočču i ranicaj u asobnych rajonach tuman, šerań. Na darohach miescami hałalodzica. Viecier paŭnočny 3–8 m/s. Tempieratura pavietra nočču minus 15–22°S, pry prajaśnieńniach da minus 24°S, dniom minus 10–17°S; pa paŭdniovym zachadzie nočču minus 10–14°S, dniom minus 6–9°S.
U Minsku ŭ subotu, 12 lutaha, pachmurna. Časam śnieh, miacielica. Na asobnych učastkach daroh hałalodzica. Viecier paŭdniovy, dniom ź pierachodam na paŭnočny 5–10 m/s, nočču paryvy da 14 m/s, dniom paryvy da 15–20 m/s. Tempieratura pavietra nočču i ranicaj minus 3–5°S, na praciahu dnia panižeńnie tempieratury da minus 8–10°S.
U niadzielu, 13 lutaha, u stalicy pachmurna z prajaśnieńniami. Mahčymy nievialiki śnieh. Na asobnych učastkach daroh hałalodzica. Viecier paŭnočna-zachodni, paŭnočny 5–10 m/s. Rezka pachaładaje. Tempieratura pavietra nočču minus 15–17°S, dniom minus 11–13°S.
