Matyvacyja — u sudzie razhladajecca kanfidencyjnaja infarmacyja.
11 lutaha ŭ Vyšejšym haspadarčym sudzie pačaŭsia razhlad pazovu «Aŭtaradyjo». Na samym pačatku pasiedžańnia žurnalistam było zajaŭlena, što siońniašni razhlad spravy budzie zakrytym, bo akurat siońnia ŭ sudzie nibyta pavinny byli razhladać materyjały kanfidencyjnaha charaktaru. 11 lutaha sud nie budzie vynosić nijakaha rašeńnia, razhlad spravy pieraniasuć, data čarhovaha pasiedžańnia pakul nie vyznačanaja.
Nahadajem, 12 studzienia 2011 hoda «Aŭtaradyjo» atrymała pradpisańnie RUP «BiełDIE» Minsuviazi RB pra spynieńnie dziejańnia dazvołu na prava vykarystańnia radyjočastotnaha śpiektru i zabaronie na ekspłuatacyju radyjoelektronnych srodkaŭ. Pradpisańnie vynieśli na padstavie rašeńnie Respublikanskaj kamisii pa telebačańni i radyjoviaščańni 188/11 ad 11 studzienia 2011 h. za podpisam staršyni kamisii ministra infarmacyi Aleha Pralaskoŭskaha. Kamisija paličyła, što ŭ efiry «Aŭtaradyjo» raspaŭsiudžvałasia infarmacyja, u jakoj źmiaščalisia publičnyja zakliki da ekstremisckaj dziejnaści.
