Siońnia a 16 hadzinie ŭ sudzie Maskoŭskaha rajona pačałosia pasiadžeńnie pa spravie Michaiła Lebiedzia, jaki byŭ źbity i zatrymany kala Čyrvonaha kaścioła 20 śniežnia.
Paśla zatrymańnia Michaiła amal 6 hadzinaŭ dapytvali i brali adbitki palcaŭ. I tolki paśla taho, jak dastavili na Akreścina ŭsio ž taki vyklikali chutkuju.
Daktary z 10-j balnicy pastavili dyjahnaz «Sadno miakkich tkanak hrudnoj kletki i sadno ściahna». Daktary akramia ahulnych miedyčnych daśledavańniaŭ pravieryli Michaiła na najaŭnaść ałkaholu ŭ kryvi i adpuścili.
Paźniej vyjaviłasia, što milicyja ŭsio ž taki šukaje Michaiła, kab za ŭdzieł ŭ niesankcyjanavanym mitynhu 20 śniežnia, padčas jakoha vykrykvaŭ «Dałoŭ uładu» i «Chopić»:
«U čaćvier było adno pasiadžeńnie suda. Adnak śviedka błytaŭsia ŭ pakazańniach. Jon dumaŭ, što zatrymaŭ mianie 19 śniežnia. Praŭda nie moh uzhadać dzie i jak. Kali jamu začytali pratakoł, ad 20 śniežnia, apynułasia, što jon nie pamiataje navat ci pracavaŭ jon u hety dzień i dzie znachodziŭsia padčas zatrymańnia».
Spravu Michasia Lebiedzia razhladaje sudździa Maskoŭskaha rajona Jaŭhien Chatkievič. Śviedkam źjaŭlajecca supracoŭnik milicyi Jankovič Juryj Vasiljevič, jakomu dali čas da sioniašniaha dnia «vyznačycca» z pakazańniami. Michaił Lebiedź jašče nie zusim ačuniaŭ paśla traŭmaŭ i kaža, što «adčuvaje siabie pahana i ŭltrahuk serca niadaŭna pakazaŭ nie vielmi dobryja vyniki».