Juryj Žaŭnoŭ — futbalist Biełarusi 2010 hoda 2

U siońniašnim vypusku haziety «Vsio o futbole» apublikavanyja aficyjnyja vyniki 2010 hoda pa vynikach apytańnia 468-i žurnalistaŭ i śpiecyjalistaŭ.

Pry vyznačeńni najlepšaha futbalista hoda kožny respandent nazyvaŭ svaju trojku najlepšych, kožnamu ź jakich naličvalisia bały pavodle tradycyjnaj sistemy: 3 — za pieršaje miesca, 2 — za druhoje, 1 — za treciaje.

U vyniku najbolšuju sumu bałaŭ (407 — 93 pieršych miescaŭ, 49 — druhoje, 30 — treciaje) nabraŭ varatar zbornaj Biełarusi i pieciarburhskaha «Zienita» Juryj Žaŭnoŭ. 2-je zaniaŭ naš «vieteran» i najlepšy hulec minułaha siezonu Alaksandr Kulčyj, u jakoha 330 bałaŭ (74, 39, 30). Na trecim miescy — forvard barysaŭskaha BATE Vital Radzivonaŭ — 297 (49, 54, 42). Dalej u śpisie iduć — Alaksandr Jurevič (282 bały), Siarhiej Karnilenka (255), Pavieł Niachajčyk (152), Anton Puciła (144), Uładzimir Jurčanka (129), Anton Amielčanka (125), Alaksandr Martynovič (78).

Zvańnie najlepšaha hulca čempijanatu Biełarusi atrymaŭ brazilski paŭabaronca BATE Renan Bresan, jaki nabraŭ 190 bałaŭ (kožny respandent moh nazyvać tolki adnaho futbalista). U «pryziorach» apynulisia taksama barysaŭčanie — Vital Radzivonaŭ (63 bały) i Alaksandr Jurevič (57). Akramia taho ŭ dziesiatku najlepšych trapili: Pavieł Niachajčyk (43), Uładzimir Jurčanka (28), Andrej Razin (18), Stanisłaŭ Drahun (14), Anton Puciła (11), Dźmitryj Kamaroŭski (9) i Dźmitryj Lichtarovič (7).

I, narešcie, najlepšym biełaruskim trenieram 2010 hoda byŭ nazvany hałoŭnakamandujučy barysaŭskaha BATE Viktar Hančarenka, jaki nabraŭ 217 hałasoŭ. Na druhim miescy — nastaŭnik biełaruskaj «maładziožki» Hieorhij Kandraćjeŭ (154 bały), na trecim — hałoŭny trenier salihorskaha «Šachciora» Uładzimir Žuraviel (58).

Uračystaja cyrymonija ŭznaharodžańnia hierojaŭ 2010 hoda, arhanizavanaja ABFF, adbudziecca 17 śniežnia.

0

0

0

0

0

0

football.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH