Alaksandr Łukašenka padtrymlivaje mirnyja inicyjatyvy Hruzii.
«Biełarusy — miralubny narod, i my marym pra mirnaje vyrašeńnie prablem u lubym kutku płaniety», — zajaviŭ biełaruski kiraŭnik žurnalistam 2 śniežnia ŭ Astanie, dzie prachodzić samit ABSIE. «My padtrymlivajem i zaŭsiody budziem padtrymlivać mirnyja inicyjatyvy», — cytuje Łukašenku
Vystupajučy napiaredadni na samicie, prezident Hruzii Michaił Saakašvili zaklikaŭ rasijskaje kiraŭnictva da pramoha dyjałohu. «My miarkujem, što mir — adziny šlach dla dasiahnieńnia stabilnaści ŭ rehijonie, i prapanoŭvajem dyjałoh Rasii», — skazaŭ Saakašvili.
Jon paćvierdziŭ svaje słovy, skazanyja ŭ listapadzie padčas vystupleńnia pierad deputatami Jeŭraparłamienta, pra toje, što nie budzie prymianiać siłu dla viartańnia ŭ skład Hruzii Abchazii i Paŭdniovaj Asiecii.
