Vital Rymašeŭski — kandydat ad Biełaruskaj Chryscijanskaj Demakratyi, novaj palityčnaj siły, jakaja stvarajecca ŭ Biełarusi. Arhkamitet Biełaruskaj Chryscijanskaj Demakratyi (BCHD) abjadnoŭvaje ŭsich tych, chto hatovy budavać Biełaruś na asnovie chryscijanskich kaštoŭnaściej i patryjatyzmu. Za asnovu našaj ekanomiki, palityki, sacyjalnaha žyćcia my biarem chryscijanskija pryncypy. Jany ŭsim daŭno viadomyja — nie zabivaj, nie kradzi, nie chłusi, pavažaj svaich baćkoŭ, pavažaj žyćcio i majomaść inšaha čałavieka.
1. BIEŁARUSI — SUMLENNUJU PAŁITYKU
Hałoŭnaje, što ludziam treba ad ułady, — sumlennaść. Chłusiš, nie vykonvaješ abiacańniaŭ — u adstaŭku. Kradzieš — u turmu. Vyšejšy načalnik — značyć, bolšaja adkaznaść.
Chryscijanskaja demakratyja viernie zakonnaść u sudy, prakuraturu, milicyju. Chryscijanskaja demakratyja razhromić biurakratyju: intaresy čałavieka buduć vyšej za intaresy čynoŭnikaŭ.
My kampiensujem układy, jakija ludzi stracili z razvałam Savieckaha Sajuza.
Adukacyja
Vierniem ilhoty biełaruskim studentam. Vierniem biaspłatnuju adukacyju dla ŭsich.
Admienim sučasnaje «pryhonnaje prava» ŭ Biełarusi — prymusovaje raźmierkavańnie.
Admienim kantraktnuju sistemu ŭ adnosinach da nastaŭnikaŭ. Siaredni zarobak nastaŭnikaŭ da ŭzroŭniu siaredniaha zarobku ŭ dziaržaŭnych ustanovach.
Miedycyna
Zaraz z našych padatkaŭ hrošy iduć na ŭtrymańnie biurakratyčnaj miedycynskaj sistemy. Pry hetym kažuć, što miedycyna ŭ nas biaspłatnaja.
My spynim finansavańnie biurakrataŭ.
Hrošy za lačeńnie buduć pieraličvacca niepasredna daktaram, a nie praz sistemu achovy zdaroŭja, dzie na dadzieny momant ilvinaja dola srodkaŭ raskradajecca.
Piensii
Niamieckija piensijaniery atrymlivajuć piensii, na jakija mohuć padarožničać pa ŭsim śviecie!
A našyja baćki vymušanyja pracavać paśla vychadu na piensiju, kab choć niejak dapamahčy svaim dzieciam, pražyć samim.
My pavysim piensii da jeŭrapiejskaha ŭzroŭniu, dastatkova addać pa 20% akcyj viadučych pradpryjemstvaŭ Biełarusi («Biełaruśkalij», naftapierapracoŭčyja zavody) ŭ Piensijny fond.
Vojska
Biełaruskaje vojska budzie mabilnym i prafiesijnym. Zamiest prymusovaha pryzyvu — vajskovyja zbory ad 3 da 6 miesiacaŭ. Vajskoŭcam harantujem słužbovaje žytło z pravam pryvatyzacyi, vierniem ilhoty i piensiju paśla 20 hadoŭ vysłuhi.
Čarnobyl
Biełaruskija ŭłady na praciahu 16 hadoŭ truciać biełarusaŭ radyjacyjaj. Radyjoaktyŭnyja pradukty z zabrudžanych zon traplajuć u kramy Ŭsich haradoŭ Biełarusi. Pieravyšeńnie doz radyjacyi jość u kožnaha treciaha žychara Minska (u Babrujsku i Horkach — dvuch z troch i h.d.). Ludzi chvarejuć i pamirajuć. Ułada chavaje statystyku i maŭčyć.
Likvidataram čarnobylskaj katastrofy vierniem ilhoty.
Adnovim efiektyŭnuju sistemu radyjacyjnaha kantrolu praduktaŭ charčavańnia pa ŭsioj Biełarusi, u tym liku ŭ horadzie Minsku.
Spynim vytvorčaść praduktaŭ charčavańnia na zabrudžanych terytoryjach, spynim vykarystańnie adčudžanych zabrudžanych ziemlaŭ.
Arhanizujem vytvorčaść preparataŭ, jakija błakujuć radyjonuklidy i paskarajuć ich vyvad z arhanizma. Zabiaśpiečym usie miedycynskija ŭstanovy i apteki na terytoryi krainy hetymi preparatami.
2. ZA BIEŁARUŚ BIEZ KARUPCYI!
Adkul uziać na reformy hrošy? Usio prosta — vykaranić karupcyju. I nie padmanvać zamiežnych inviestaraŭ. Tady hrošy pryjduć u Biełaruś.
My, biełaruskija chryscijanskija demakraty, vyrašym prablemu karupcyi radykalna: pamienšym kolkaść čynoŭnikaŭ u 3 razy. Mienš čynoŭnikaŭ — mienš karupcyi! My prymiem «Zakon Linkalna», jaki dziejničaje ŭ mnohich razvitych demakratyčnych krainach: toj, chto dakaža fakt karupcyi, atrymaje 25% ad vyjaŭlenaha.
My nie dapuscim raskradańnia ahulnanarodnaj majomasci: nijakaj «prychvatyzacyi»!
Zakonna nabytaja pryvatnaja ŭłasnaść budzie niedatykalnaj.
Sudy
Zrobim niezaležnymi ad ułady sudy i advakaturu. Niezaležnyja sudy — harantyja roŭnasci pierad zakonam dla ŭsich. Kožny paciarpieły maje prava na kampiensacyju z boku złačyncy naniesienaj jamu škody ŭ pamiery, jaki jaho zadavolić, z nastupnym prymireńniem bakoŭ i vyzvaleńniem taho, chto pakajaŭsia, ad pazbaŭleńnia voli.
Milicyja
Pravaachoŭnyja orhany i milicyja buduć pazbaŭleny ad umiašalnictva ŭ ich prafiesijnyja spravy z boku ŭłady i śpiecsłužbaŭ. Nichto nie budzie zaminać pracy milicyi.
Aficery milicyi, jakija baroniać nas ad bandytyzmu, buduć bieśpieraškodna spaŭniać svaje abaviazki. A «piarevaratni ŭ pahonach» buduć siadzieć u turmie.
Turma
U Biełarusi ludziej sadziać u turmu za drobnyja parušenni zakonu. A tyja, chto kradzie miljony, — na svabodzie. Turma pavinna vypraŭlać čałavieka, a nie kalečyć.
3. BIEŁARUSI PATREBNAJE SAMAKIRAVANNJe!
Dyktatura i karupcyja buduć razburanyja, kali ŭ Biełarusi budzie sapraŭdnaje miascovaje samakiravańnie.
Mery haradoŭ, miastečak i navat viosak buduć vybiracca ludźmi, a nie pryznačacca. My praviadziem vybary ŭsich uzroŭniaŭ biez falsifikacyj.
Uładu — ludziam, jakija žyvuć tut, a nie rajonnaj ci abłasnoj mafii!
Z metaj skaračeńnia dziaržaŭnych vydatkaŭ i pavyšeńnia efiektyŭnasci kiravańnia my, biełaruskija chryscijanskija demakraty, praviadziem administracyjnuju reformu.
Budzie skasavany ciapierašni administracyjny padzieł Biełarusi na 118 rajonaŭ, 6 abłaściej i h. Minsk. Metazhodna ŭviesci administracyjny padzieł na 23 rehijony. Tym samym budzie skaročana kolkaść biurakratyčnych uzroŭniaŭ — zamiest 6 abłasnych i 118 rajonnych
1/3 ad usich padatkaŭ, sabranych na miescach, pavinna zastavacca ŭ miascovym biudžecie — adpaviedna miascovym Radam pavinna być pieradadzienaja značnaja častka ŭsich paŭnamoctvaŭ.
4. BIEŁARUŚ — HETA SVABODA
Kožnamu čałavieku i narodu svaboda dadzienaja Boham. «Dzie Duch Haspodni — tam svaboda» (2 Karynf 3:17). Ale svaboda — nie ŭsiedazvolenaść. Svaboda — volny vybar i adkaznaść za jaho. Chryscijanskija demakraty — za svabodu ad strachu, chłusni i zła.
Najpierš, my zabiaśpiečym poŭnuju svabodu viery.
Vierniem cerkvam ich majomaść, a siońniašnim uładalnikam kampiensujem straty pa prymalnym košcie.
U zaniadbanych vioskach i na haradskich uskrainach pieradadzim pustujučyja budynki chryscijanskim arhanizacyjam dla naładžvańnia chospisaŭ, stałovych, niadzielnych škołaŭ i misijanierskich centraŭ.
Svaboda SMI ŭ našym razumienni — heta admiena palityčnaj cenzury. My sproscim paradak rehistracyi SMI i budziem zaachvočvać stvareńnie haziet, sajtaŭ i telekanałaŭ u nievialikich haradach, miastečkach i navat vioskach.
5. BIEŁARUŚ BUDZIE ZAMOŽNAJ KRAINAJ
Volny, drobny i siaredni biźnies — asnova nacyjanalnaj ekanomiki. Zasnavać svaju spravu možna budzie na praciahu adnaho dnia.
Pry chryscijanskich demakratach biełaruskaja ekanomika budzie spraviadlivaj: rynkavaj, ale sacyjalna aryjentavanaj. Maksimalna sproscim padatkaabkładańnie: kožny biełarus zmoža sam, biez buchhałtarskaj adukacyi, ličyć svaje padatki.
Padatkovaja inśpiekcyja dziejničaje jak represiŭnaja mašyna. My heta spynim!
My spynim abkradańnie biełaruskich hramadzian. Admienim myty na aŭtamabili ź Jeŭropy!
Kredyty ŭ Biełarusi buduć nie bolej za 3%. Takija kredyty ŭ Jeŭropie. Łukašenka biare jeŭrapiejskija kredyty pa takich pracentach i pradaje narodu pa 14 — 17%. Voś tak ułada turbujecca pra biełarusaŭ!
Asnovaj biełaruskaj ekanomiki pavinny być vysokija dachody tych ludziej, chto pracuje. Bolšaść biełaruskich pradpryjemstvaŭ nierentabielnyja, bo ludzi nie majuć kantrolu za kiraŭnictvam pradpryjemstva.
Biełaruskija chryscijanskija demakraty admieniać kantraktnuju sistemu.
My stvorym svabodnyja prafsajuzy, dadzim mahčymaść kantralavać, kudy iduć zaroblenyja pradpryjemstvam hrošy.
My ŭviadziem pryvatnuju ŭłasnaść na ziamlu. Siaredni kłas stanie aporaj mocnaha hramadstva, zdolnaha adstojvać svaje pravy.
Košty na bienzin
Biełaruś atrymlivaje naftu dla ŭnutranaha spažyvańnia pa ŭnutryrasijskich koštach, a bienzin značna daražejšy. My znizim košty na paliva dla biełarusaŭ.
Košty na kvatery
U bolšasci haradoŭ nieapraŭdana zavyšanyja košty na žyllo, na koštach minskich kvater nažyvajecca Łužkoŭ i inšyja aliharchi. My spynim karupcyjnyja schiemy, uviadziem ipateku.
Sielskaja haspadarka
My ŭviadziem pryvatnuju ŭłasnaść na ziamlu: ziamla pavinna naležać haspadaru! Biełaruskija chryscijanskija demakraty zrobiać sielskuju haspadarku sučasnaj, zasnavanaj na najnoŭšych bijatechnałohijach.
6. BIEŁARUŚ — JEŬRAPIEJSKAJA KRAINA
My ŭstalujem uzajemavyhadnyja siabroŭskija dačynienni ź Jeŭropaj i Rasijaj. Pierakosy ŭ palityčnych i haspadarčych stasunkach buduć vypraŭlenyja.
Biełaruś — niejtralnaja kraina. BCHD harantuje bieźjadzierny status Biełarusi i niaŭdzieł Biełarusi ŭ vajskovych kanfliktach za miežami krainy.
Biełarusy zmohuć biez viz naviedvać jeŭrapiejskija krainy.
BCHD zbuduje ŭ Biełarusi sapraŭdnuju jeŭrapiejskuju ekanomiku, zasnavanuju na navuka- i pracajomistaj vytvorčasci, tranzicie, servisie, turystyčnym biźniesie, infarmacyjnych i ekałahičnych technałohijach.
Biełaruś, jakaja raźmiaščajecca ŭ samym sercy Jeŭropy, bačycca nam jak vysokarazvity servisny, finansavy, techničny, navukovy i infarmacyjny centr suśvietnaha ŭzroŭniu na klučavym hieapalityčnym skryžavanni.
7. USIA MOC DZIARŽAVY — NA PADTRYMKU SIAM'I
Biełaruskaja Chryscijanskaja Demakratyja skiruje dziaržaŭnyja resursy na padtrymku biełaruskich siemjaŭ.
My prymiem dziaržaŭnyja prahramy źmianšeńnia kolkasci abortaŭ i razvodaŭ. Spynić vymirańnie nacyi i spryjać umacavańniu siemjaŭ — zadača dla sapraŭdy narodnaj partyi, jakoj źjaŭlajecca BCHD.
Dapamoha pa dohladzie za dziciom budzie ŭ pamiery siaredniaha zarobku na kožnaje dzicia da 5 hod i pałovy siaredniaha zarobku na dzicia da 10 hod.
BCHD harantuje kredyty na žyllo i nabyćcio majomasci maładym siemjam. Siamiejnamu biźniesu — padtrymku!
My ŭviadziem u dziejańnie kompleks mierapryjemstvaŭ pa zmahanni z usieahulnaj ałkahalizacyjaj. Pastavim zasłonu spojvańniu biełarusaŭ niajakasnym «čarniłam».
Vyniesiem hulniavyja zony i kazino za terytoryi nasielenych punktaŭ. Spynim prapahandu razbeščanasci.
Razam my pieramožam!
My zaklikajem vas adstajać svabodu i spraviadlivaść Biełarusi.
Jak kažuć chryscijanskija demakraty: Žyvie Biełaruś — Žyvie z Boham!
