Hałoŭny trenier futbolnaj zbornaj Biełarusi Biernd Štanhie nazvaŭ supiernika svajoj kamandy ŭ nabližejšym tavaryskim matčy. Im stanie zbornaja Kazachstana. Hulnia projdzie 9 lutaha ŭ tureckaj Antalji.
«U nas było niekalki varyjantaŭ nakont sparynhu. My mahli zhulać u Łondanie suprać Nihieryi abo ŭ Partuhalii suprać Polščy. Adnak pryjšłosia ŭličvać niekalki faktaraŭ. Pa-pieršaje, 16 lutaha BATE startuje ŭ Lizie Jeŭropy, i Viktar Hančarenka paprasiŭ vybrać aptymalny varyjant. Pa-druhoje, bolšaść biełaruskich kamand pravodzić mižsiezońnie ŭ Turcyi. Tak što sustreča z Kazachstanam dla nas vyhadnaja i z ekanamičnaha hledzišča, i dla futbalistaŭ zručnaja», - adznačyŭ Štanhie.
Nahadajem, što zbornyja Biełarusi i Kazachstana vystupali razam u adboračnaj hrupie da čempijanatu śvietu 2010 hoda i dvojčy vyjhrali z bujnym likam. U haściach - 5:1, doma - 4:0.
Taksama staŭ viadomy nastupny supiernik moładzievaj zbornaj Biełarusi. Padapiečnyja Kandraćjeva 8 lutaha zhulajuć z Rasijaj. Matč taksama projdzie ŭ Antalji.
