«Nie padmažaš — nie pajedzieš». Troški pieraasensavanaja narodnaja mudraść stała instrukcyjaj dla apazicyjnych pramoŭcaŭ, jakija na tydzień apanavali efir Pieršaha nacyjanalnaha.
Ź dzieviaci kandydataŭ na pasadu prezidenta Biełarusi, jakija vystupali pierad elektaratam, ni razu nie pamylilisia tolki — Michalevič i Niaklajeŭ. Bo abyšlisia biez faktaŭ.
U svaich emacyjnych pramovach ci navat čytańni pa papiercy kandydaty prypapadobnilisia da Łukašenki, jaki karystajecca słovam vielmi volna.
Što ni skažaš, usiamu pavierać i ničoha nie papraviać — usio ž žyvy efir.Tamu śpiavaj, jak sałaviej, i nie dumaj pra vynik. Ale pry paŭtornych prasłuchoŭvańniach vystupaŭ źjaŭlajecca imknieńnie pravieryć, ci praŭdu kazali kandydaty?
Sańnikaŭ i Ciareščanka pamylilisia razam
My nie razhladajem niejkija hramatyčnyja pamyłki vystupoŭcaŭ i nie źviartajem uvahu na nienavukovuju fantastyku ŭ ich pramovach. Voś, naprykład, Viktar Ciareščanka abiacaŭ zrabić kurs dalara i biełaruskaha rubiela adzin da adnaho. Na zdaroŭje!Moža, niejak i atrymajecca. Prapuścim navat zajavu pra toje, što z 1990 hoda stali tańniejšymi tolki harełka, vino, cyharety i zapałki. Chto jaho viedaje, ceny na jakija inšyja tavary jon paraŭnoŭvaŭ? Ale kali Ciareščanka zajaŭlaje, što źniešni doŭh krainy ŭ pieraliku na kožnaha žychara pieravysiŭ $2600 — heta nie tak. Apošniaja statystyka ad Nacbanka datujecca 1 lipienia 2010 hoda i śviedčyć, što vałavy źniešni doŭh krainy składaje $23,17 miljarda. Biełarusaŭ zastałosia 9 483 tysiač čałaviek. Značycca, realny doŭh kožnaha žychara krainy nie pieravyšaje $2450.
Cikava,
na toj samaj ličbie — vałavoha zamiežnaha doŭha — «spaliŭsia» i inšy kandydat, Andrej Sańnikaŭ.Jon staranna paźbiahaŭ ahučvańnia choć niejkich faktaŭ ci ličbaŭ u svajoj pramovie i bolš raskazvaŭ pra budučyniu. Kankretyka źjaviłasia chiba što adnojčy: «Za apošnija try hady zamiežny doŭh krainy vyras da $25 miljardaŭ. Prytym zołatavalutny zapas krainy ŭ piać razoŭ mienšy». Jak užo napisana vyšej, doŭh krainy mienš za ahučany. Ale i z zapasami krainy ŭ Sańnikava biada. Jany naŭmysna zanižanyja amal na miljard. Naŭmysna — tamu što ličby byli nie vypadkova ŭzhadanyja, a pračytanyja z papierki. Realna ž doŭh bolšy za zołatavalutnyja reziervy nie ŭ 5 razoŭ, a ŭ 3,87 razu.
Kanstytucyja Statkieviča
Mikoła Statkievič na praciahu tryccaci chvilin apantana krytykavaŭ Łukašenku, ale vydaŭ pierł u styli «Skaryna ŭ Pieciarburhu».Na dumku palityka, kanstytucyja ŭ našaj krainie isnavała ŭžo ŭ XVI stahodździ. Vidać, Statkievič pierabłytaŭ Kanstytucyju Rečy Paspalitaj, jakaja była pryniataja ŭ 1791 hodzie, sa Statutami VKŁ, jakija sapraŭdy vydavalisia na dva stahodździ raniej.
Raskazaŭšy, što vysunuty kandydatam u prezidenty na letašnim Kanhresie jeŭrapiejskaha vybaru,
Dla pryhažości Statkievič dapisaŭ terminu łukašenkaŭskaj uładzie dadatkovyja paŭhoda: «Łukašenka pravić 17 hadoŭ» — i pamyliŭsia z kolkaściu nasielnictva Biełarusi. «Kolkaść biełarusaŭ źmienšyłasia na 850 tysiač čałaviek», — miarkuje Statkievič. Jon staŭ nie adzinym kandydatam, chto zakranuŭ źmianšeńnie nasielnictva krainy. Takuju ž ličbu nazyvaŭ i Vital Rymašeŭski. A Ryhor Kastusioŭ uvohule daličyŭ da miljona čałaviek. Statystyka ž śviedčyć, što za časy praŭleńnia Łukašenki nasielnictva skaraciłasia na 760 tysiač čałaviek.
Samy narodny Rymašeŭski
Kandydat ad BNF pamylaŭsia nie tolki ŭ hetym. Jon nadaŭ Chocimsku status horada, choć nasamreč heta haradski pasiołak ci, kažučy pa biełaruskaj tradycyi, miastečka.
Vidać, Ryhor Kastusioŭ ličyć Małdovu niecylivizavanaj dziaržavaj.U svajoj emacyjnaj zajavie palityk paviedamiŭ, što kožnaj cyvilizavanaj krainie śvietu jość lhoty na prajezd dla piensijanieraŭ i studentaŭ. Jakraz niadaŭna ŭ Kišyniovie prachodzili masavyja akcyi pratestu suprać admieny lhotaŭ.
Chryścijanski demakrat Vital Rymašeŭski, aproč zhadanaj vyšej błytaniny z kolkaściu nasielnictva, niapravilna ahučyŭ i praciahłaść žyćcia ludziej. Žychary Jeŭrasajuza žyvuć na 10 hadoŭ daŭžej za siarednich biełarusaŭ, a nie na 20 hadoŭ, jak ahučyŭ Vital. Ale najbolš Rymašeŭski ździviŭ u samym pačatku pramovy, kali zajaviŭ, što «pradstaŭlaje pieršuju ŭ Biełarusi narodnuju partyju — Biełaruskuju chryścijanskuju demakratyju». Adkiniem pytańnie pra niezarehistravanaść hetaj arhanizacyi, ale što značycca «pieršaja narodnaja»? Partyi sa słovam «narodny» ŭžo isnujuć na terytoryi Biełarusi, uziać chacia b toj samy BNF.
Dźmitryj Vus za siem chvilin svajoj pramovy dvojčy ŭvioŭ słuchačoŭ u zman.Spačatku jon napałochaŭ aryjentavanuju na ŭschod aŭdytoryju, paviedamiŭšy siensacyjnuju infarmacyju: «Rasija admoviłasia ad tranzitu pa terytoryi Biełarusi hazu i nafty». Mahčyma, u bližejšaj budučyni tranzit i budzie źmienšany, ale ciapier jon jašče dakładna nie spynieny. Nastupny pasaž Vusa datyčyŭsia Kiraŭnictva spravaŭ prezidenta. Kandydat jak na duchu vykłaŭ, što ŭ 1994 hodzie byŭ vydadzieny ŭkaz, zhodna ź jakim USIE pradpryjemstvy i administracyjnyja budynki, jakija znachodzilisia na bałansie dziaržaŭnaj ułasnaści, byli pieradadzienyja kiraŭnictvu. Nazvać hetaje pierabolšvańnie tonkaj mietafaraj nie pavaročvajecca jazyk.
Dziŭnavaty dalnabojščyk Ramančuka
Kandydat ad AHP Jarasłaŭ Ramančuk vystupaŭ uvohule biez
Inšy prykład Jarasłava, kali jon raskazvaŭ pra kiroŭcu fury, što jedzie z Polščy ŭ Rasiju z dvuma błokami cyharetaŭ, padajecca absurdnym. Pa lehiendzie ŭ jaho kanfiskujuć i cyharety, i ŭsiu furu. Ale
navošta dalnabojščyku vieźci toje, što ŭ Biełarusi i Rasii našmat tańniejšaje, čym u Polščy?Cyharety viazuć ź Biełarusi, a nie ŭ jaje.
U ekanamičnym składniku pramovy Jarasłaŭ pamyliŭsia tolki adnojčy, nazvaŭšy pamier biełaruskaha biudžetu — $23 miljarda. Realna ž u 2011 hodzie jon składzie maksimum 20 miljardaŭ dalaraŭ, a sioleta byŭ mienšy na 18%.
Uzhadajem i pryrodaznaŭstva. «U nas 11 tysiač rek i azioraŭ», — kazaŭ Ramančuk. Nasamreč jon nazvaŭ tolki kolkaść azioraŭ. Rek — udvaja bolš.
Havarylščyki praŭdy
Padajecca, što dva astatnija kandydaty — Uładzimir Niaklajeŭ i Aleś Michalevič — nie pamylilisia ni razu. Prynamsi nie znajšłosia nivodnaha zaŭvažnaha lapu. Čamu? Niaklajeŭ u svajoj pafasnaj pramovie abyšoŭsia biez faktaŭ ličbaŭ, aproč pierakazu historyi svajho ruchu. Što ž, vidać, sapraŭdy jamu nakavana havaryć praŭdu. Michalevič taksama paźbiehnuŭ doŭhaha raspoviedu pra ciapierašniuju situacyju ŭ Biełarusi, skancentravaŭšy svaje vysiłki na apisańni Biełarusi budučyni.
U faktałahičnych pamyłkach u pramovach čaściakom vinavatyja nie kandydaty, a ich štaby. Ad palityka patrabujecca pryhoža i pałymiana prezientavać napisany kimści tekst. Čaściakom dziela krasnaha słaŭca śpičrajtery nie škadujuć nikoha i ničoha.
Ale kali kandydat chłusić u drabiazie ŭžo ciapier, čaho čakać ad jaho, kali jon darviecca da ŭłady?
