Vypuścić jaho abiacajuć viasnoj.
Ciapier hurt vykłaŭ u internecie sinhł «Śviaŝiennyj ohoń», jaki składajecca z troch piesień — «Afrika», «Zievs» i Śviaŝiennyj ohoń».
Va ŭsich adsutničaje duchavaja siekcyja.
Na taki ekśpierymient hurt pajšoŭ asensavana. Pa słovach lidara kamandy Siarhieja Michałka, usprymać ich tolki jak ska-pank-hurt, jak toje skłałasia apošnimi hadami, niapravilna.
Na pieśniu «Afrika», kavier adnaho z chitoŭ hurtu «Komitiet Ochrany Tiepła», źniali taksama klip.
«U pieśni «Zievs» my daviali da absurdu adzin z hałoŭnych «trendaŭ» sučasnaha mas-kultu: samaśćviardžeńnie za košt prynižeńnia albo navat źniščeńnia navakolnych, — tłumačyć Michałok. — Čałaviek heta adzin pradstaŭnik žyviolnaha śvietu, jaki moža źniščać sabie padobnych nie dziela ježy i nie ŭ paradku samaabarony, a prosta tak. Vojny, terakty — heta toje, što lažyć na pavierchni. Ale pačynajecca ŭsio na inšym uzroŭni: uklučycie televizar — usie šou zasnavany na tym, što niechta kahości padsidžvaje, vyžyvaje, idzie pa hałovach… Filmy, dzie nichto nikoha nie zabivaje, ličacca nudnymi.
Ludzi žujuć ludziej».
«Śviaŝiennyj ohoń» dla Michałka heta «toje, što zmušaje ciabie zastavacca zaŭždy maładym, heta idei, u jakija ty nie pierastanieš vieryć, niezaležna ad taho, jak źmianiajecca navakolle».
