Traich paciarpiełych na «Pinskdrevie» pieraviali ŭ Minsk

Traich paciarpiełych u vyniku vybuchu na zavodzie «Pinskdreŭ-DSP» viečaram 27 kastryčnika pieraviali z Bresckaj vobłaści ŭ Minsk.

Z Bresckaj abłasnoj balnicy ŭ stalicu dastaŭleny mužčyna 1977 hoda naradžeńnia, jakoha raniej u hety ž dzień pieraviali ŭ abłasnuju balnicu z traŭmatałohii Pinskaj centralnaj balnicy.

Ź Pinskaj centralnaj balnicy ŭ Minsk pieravieźli mužčynu 1981 hoda naradžeńnia i žančynu 1967 hoda naradžeńnia. Jany znachodzilisia tut na lačeńni ŭ adździaleńni traŭmatałohii (dyjahnastavany apioki i ŭdary).

Na ranicu 28 kastryčnika ŭ reanimacyi Bresckaj abłasnoj balnicy znachodziłasia piać paciarpiełych (mužčyny 1987, 1959, 1981, 1976, 1977 hoda naradžeńnia),

ich stan pa-raniejšamu ciažki.

U reanimacyi Pinskaj centralnaj balnicy lažać dvoje paciarpiełych ad vybuchu mužčyn 1978 i 1985 hoda naradžeńnia. Ich stan taksama ciažki. U hetaj ža balnicy ŭ niejrachirurhičnym adździaleńni znachodzicca rabotnica pradpryjemstva 1955 hoda naradžeńnia. Jaje stan miedyki na ranicu 28 kastryčnika aceńvali jak zdavalniajučy.

27 kastryčnika ŭ Breście i Pinsku paciarpiełych ad vybuchu kansultavała hałoŭny pazaštatny kambustyjołah Ministerstva achovy zdaroŭja Volha Pačapień.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH