Raniej ličyłasia absalutnaj iścinaj, što seksualnych aryjentacyj ŭ čałavieka dźvie — homaseksualnaja i hieterasieksualnaja. Adnak u apošni čas navukoŭcy sprabujuć dakazać, što heta nie zusim tak. Prapanavanaja treciaja — aseksualnaść.
Aficyjnaje vyznačeńnie dadzienaha typu aryjentacyi — poŭnaja adsutnaść seksualnaha ciahi na fizičnym uzroŭni. Pry hetym luboŭnyja pieražyvańni aseksuałam nie čužyja — prosta jany nie ličać nieabchodnym vykazvać svaje pačućci praz seks.
Charakterna, što padobny typ seksualnych pavodzinaŭ byŭ apisany jašče ŭ pieršaj pałovie XX stahodździa «baćkam» seksałohii Alfredam Kinsi. Pavodle jaho škały seksualnaj aryjentacyi, dzie 0 aznačaŭ «całkam homaseksuałaŭ», a 6 — «całkam hieterasieksuałaŭ», u katehoryju «Ch» (tych, kaho nie chvaluje seks) patrapiła 1,5% mužčynskaha nasielnictva płaniety.
Da aseksuałaŭ pryličajuć siabie nie tolki mužčyny, ale i žančyny. Śviadomuju admovu ad pałavoj blizkaści prapahanduje kala 3% žančyn, što pražyvajuć u zachodnich krainach.
«My volnyja ad zababonaŭ i nieabchodnaści kiravacca ŭ svaich pavodzinach i vybary seksualnymi matyvami. Chiba tak nie praściej?!», — kaža Linda Miurej, pradstaŭnica hramadskaha ruchu ŭ padtrymku aseksuałaŭ.
