U subotu pačynajecca vizit Łukašenki ŭ Kitaj 1

9–11 kastryčnika Alaksandr Łukašenka naviedaje ź vizitam Kitajskuju Narodnuju Respubliku.

Napiaredadni vizitu, 8 kastryčnika, kiraŭnik dziaržavy daŭ intervju žurnalistam kitajskich ŚMI — Centralnaha telebačańnia Kitaja, dziaržaŭnaha infarmahienctva «Sińchua» i haziety «Žeńmiń žybao», paviedamiła pres-słužba kiraŭnika dziaržavy.

«Vielmi čakaju, što Kitaj paśla hetaha chutčej pačnie inviestavać, u bolšym abjomie iści ŭ našu krainu, u našu ekanomiku, i dumaju, što ad hetaha my vyjhrajem», — skazaŭ Łukašenka z nahody majučaha adbycca vizitu. Kiraŭnik dziaržavy, u pryvatnaści, raźličvaje, što pieramovy z staršynioj KNR Chu Czińtao «pasłužać zamacavańniu stanoŭčaj tendencyi ŭ raźvićci biełaruska-kitajskaha supracoŭnictva».

Zakranajučy biełaruska-rasijskaj tematyki i, u pryvatnaści, pracesu budaŭnictva Sajuznaj dziaržavy, Łukašenka zajaviŭ: «Trochi, viadoma, my prytarmazili tut u siłu viadomych pryčyn». «Ale mnie zdajecca, heta pieraadolejem. Nie treba heta demanizavać, hipierbalizavać. My naładzim adnosiny z Rasijaj i znojdziem takija šlachi.

Nie moža Rasija bieź Biełarusi, jak i Biełaruś nie moža biez Rasii», — padkreśliŭ jon.

Jak paviedamlałasia raniej, 1 kastryčnika ŭ pasłańni staršyni KNR Chu Czińtao z nahody Dnia abviaščeńnia KNR Alaksandr Łukašenka paćvierdziŭ imknieńnie kiraŭnictva Biełarusi da stratehičnaha supracoŭnictva z KNR. Biełaruski lidar vykazaŭ nadzieju na toje, što ŭ čas jaho vizitu ŭ Piekin boku padrabiazna abmiarkujuć pierśpiektyvy dalejšaj realizacyi sumiesnych prajektaŭ u kredytna-inviestycyjnaj, navukova-techničnaj, vajenna-techničnaj i inšych śfierach.

Apošni raz Łukašenka naviedvaŭ KNR u žniŭni 2008 hoda. Jon prysutničaŭ na aficyjnaj cyrymonii adkryćcia XXIX letnich Alimpijskich hulniaŭ u Piekinie, pravioŭ pieramovy z Chu Czińtao, a taksama sustreŭsia z pradstaŭnikami dziełavych kołaŭ krainy.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH