Były prezydent Čechii Vacłaŭ Haveł zaklikaje Kamitet Nobeleŭskaj premii miru prysudzić sioletniuju premiju kitajskamu piśmieńniku i dysydentu Lu Siaabo.
List z hetym zaklikam, padpisany Havełam dy dvuma inšymi padpisantami čechasłavackaj «Chartyi 77», pravaabaroncam Danaj Niemcavaj i
«My nikoli nie padumali b, što naš karotki manifest adhukniecca recham u Kitai praz 30 hadoŭ», — pišuć Haveł, Niemcava i Mały. — «U śniežni 2008 h. hrupa 303 kitajskich aktyvistaŭ, jurystaŭ, intelektuałaŭ, navukoŭcaŭ, adstaŭnych dziaržaŭnych słužboŭcaŭ, rabotnikaŭ i sialanaŭ vystupiła z ułasnym manifestam pad nazvaj «Chartyja 08», damahajučysia kanstytucyjnaha ŭradu, pašany dla pravoŭ čałavieka dy inšych demakratyčnych reformaŭ. Jon byŭ apublikavany na
Hałoŭnym aŭtaram «Chartyi 08» byŭ Lu Siaabo, jaki raniej adsiedzieŭ 5 hadoŭ u turmie za padtrymku antyŭradavych pratestaŭ na placy Ciańańmeń u Pekinie ŭ 1989. Za raspaŭsiudžvańnie «Chartyi 08» kitajskija ŭłady aryštavali Lu Siaabo ŭ červieni letaś, a ŭ śniežni zasudzili jaho na 11 hadoŭ turmy. Dysydent adbyvaje hetaje pakarańnie ŭ turmie na poŭnačy krainy, daloka ad Pekinu, dzie zastałasia jahonaja žonka i siabry.
«My prosim Nobeleŭski kamitet uhanaravać bolš čym dva dziesiacihodździ niazłomnaha i mirnaha zmahańnia Lu Siaabo za reformy i ŭčynić jaho pieršym kitajskim atrymalnikam hetaj prestyžnaj premii. Zrabiŭšy tak, Nobeleŭski kamitet padaŭ by syhnał jak samomu Lu, tak i kitajskamu ŭradu, što šmat ludziej u Kitai i pa ŭsim ziamnym šary salidaryzujucca ź im i ź jahonaj niepachisnaj vieraj u svabodu i pravy čałavieka dla adnaho miljarda trochsot miljonaŭ kitajcaŭ», — zakančvajuć svoj zaklik Haveł, Niemcava i Mały.
Nobeleŭskaja premija miru prysudžajecca admysłovym kamitetam, utvoranym narveskim parlamentam, i ŭručajecca kožny hod 10 śniežnia (dzień śmierci Alfreda Nobela, fundatara premii) u ratušy ŭ Osła, u prysutnaści karala Narvehii.
Samoha Vacłava Haveła šmat hadoŭ ličać adnym z samych mocnych kandydataŭ na Nobeleŭskuju premiju miru.
