Na matčy «Dynama» (Minsk) — «Ak Bars» budzie pabity rekord naviedvalnaści ŭ KCHŁ

«Na hety momant užo pradadziena 12.000 biletaŭ i abaniemientaŭ na hulniu z „Ak Barsam“, jakaja pačniecca siońnia ŭ 19.00.

Dakładna možna kazać, što minimum 14.000 hledačoŭ ubačać hulniu pamiž lidaram rehularnaha čempijanatu KCHŁ na hety momant i dvuchrazovym uładalnikam Kubka Haharyna», — paviedamlaje pres-słužba «Dynama».

U suviazi z płanujemym rekordam naviedvalnaści «Dynama» prosić balelščykaŭ prychodzić zahadzia, kab «svoječasova trapić na trybuny i paźbiehnuć čerhaŭ na ŭvachodzie».

Jak paviedamili ŭ adździele statystyki i analityki pres-słužby KCHŁ, rekord naviedvalnaści składaje ciapier 12.090 čałaviek na matčy SKA (Sankt-Pieciarburh) — «Dynama» (Ryha) 24 studzienia 2010 hoda.

Rekord naviedvalnaści dla minskaha «Dynama» — 11.342 čałavieki na matčy suprać maskoŭskaha CSKA 5 lutaha hetaha hoda.

0

0

0

0

0

0

Dźmitryj Ułasaŭ, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH