I.Chrucki "Zabitaja dzičyna, harodnina i hryby"
U Litoŭskim mastackim muziei adkryvajecca vystava adnaho z samych viadomych mastakoŭ Biełarusi XIX st. Ivana Chruckaha.
— U našym muziei samy vialiki zbor Chruckaha — 24 tvory, — kaža dyrektar Nacyjanalnaha mastackaha muzieju Biełarusi Uładzimir Prakapcoŭ, — litoŭcy dadali 3 tvory i atrymałasia sumiesnaja vystava.
Vystava «Ivan Chrucki ŭ dyjałohu kultur» prymierkavanyja da 200-hodździa mastaka. 8 lutaha ŭ 1810 h. u miastečku Uła (ciapier Biešankovicki rajon) naradziŭsia Ivan Chrucki, mastak, jaki hałoŭnymi hierojami svaich tvoraŭ zrabiŭ zvyčajnuju harodninu. Časam na pałotnach akademika Pieciarburhskaj Akademii mastactvaŭ Chruckaha morkva, kapusta, cybula i harbuzy svajoj krasoj asłaniali piestunoŭ paŭdniovaha sonca, vinahradnyja hronki i kavuny.
Nahadiem, z 17 da 19 vieraśnia ŭ Litvie projduć Dni kultury Biełarusi. Va ŭračystaściach prymuć udzieł viadomyja dziejačy kultury i mastactvaŭ na čale ź ministram kultury Biełarusi Paŭłam Łatuškam. Usiaho ŭ składzie biełaruskaj delehacyi kala 170 čałaviek.
Zapłanavanyja adkryćcio miemaryjalnaj doški ŭ honar 170-hodździa sa dnia naradžeńnia viadomaha paeta i baćki nacyi Francišaka Bahuševiča, kancert Dziaržaŭnaha akademičnaha simfaničnaha arkiestra Biełarusi pad kiraŭnictvam A.Anisimava. Kupałaŭski teatr pakaža śpiektakl «Pinskaja šlachta» i Translation. Adbudziecca taksama śviata biełaruskaj pieśni z udziełam samadziejnych kalektyvaŭ dyjaspary i prafiesijnaha tvorčaha kalektyvu ź Biełarusi.
