16 vieraśnia siabry kampanii «Pravaabaroncy za svabodnyja vybary» aficyjna abvieściać ab pačatku manitorynhu prezydenckich vybaraŭ u Biełarusi.
Paśla abviaščeńnia daty vybaraŭ, jakija pryznačany na 19 śniežnia, «Biełaruski Chelsynski Kamitet» i niezarehistravany ŭładami pravaabarončy centar «Viasna» pačali manitorynh vybarčaj kampanii. Pra heta jany majuć abviaścić siońnia padčas sumiesnaj presavaj kanferencyi.
«U nas buduć doŭhaterminovyja naziralniki, zarehistravanyja ŭ abłasnych i haradzkich terytaryjalnych kamisijach, jakija buduć adsočvać usie etapy vybarčaha pracesu. Pačynajučy z farmavańnia terytaryjalnych kamisij i zakančvajučy padviadzieńniem vynikaŭ hałasavańnia, — raspavioŭ juryst pravaabarončaha centra „Viasna“ Valancin Stefanovič. — I buduć zarehistravanyja karotkaterminovyja naziralniki na ŭčastkach. My planujem jak minimum 300 učastkaŭ nazirać padčas daterminovaha hałasavańnia i ŭ dzień hałasavańnia. I asablivuju ŭvahu chočam nadzialać jaŭcy. My takuju stavim zadaču naziralnikam, kab jany ličyli vybarcaŭ pa hałovach, bo my padazrajom, što moža być vielmi mocna zavyšana jaŭka, ci naohuł mohuć być manipulacyi ź jaŭkaj».
U adroźnieńnie ad minułych vybarčych kampanij, sioleta pravaabaroncy planujuć zrabić manitorynh masavym i pryciahnuć da pracy nia mienš za 600 naziralnikaŭ.
Chacia achapić usie vybarčyja ŭčastki niemahčyma, nazirańnie navat na 300 ź ich daść mahčymaść kazać pra ahulnanacyjanalnyja tendencyi.Pravaabaroncy zajaŭlajuć, što robiać niezaležnuju, niezaanhažavanuju kampaniju nazirańnia. Heta aznačaje, što jany nie pradstaŭlajuć
Niahledziačy na ŭniesienyja źmieny ŭ vybarčaje zakanadaŭstva, z boku apazycyi ŭžo hučała krytyka, što jano nie dazvalaje svabodna nazirać za padlikam hałasoŭ. Adnak Valancin Stefanovič skazaŭ, što manitorynh budzie vieścisia vyklučna ŭ adpaviednaści ź dziejnym zakanadaŭstvam, a ŭsie naziralniki buduć rehistravacca:
«Naša vybarčaje zakanadaŭstva ŭ častcy pravoŭ naziralnikaŭ nie było źmienienaje. I heta vielmi mocna abmiažoŭvaje mahčymaści naziralnika, kab nasamreč nazirać i bačyć vielmi važnyja vybarčyja etapy. Takija jak, naprykład, prysutnaść padčas pravierak podpisaŭ, prysutnaść pry pieradačy biuleteniaŭ i pratakołaŭ ź nižejstajačych učastkovych kamisij u terytaryjalnyja. Nu, i sam padlik hałasoŭ vielmi ciažka adsočvać. Bo, na žal, vielmi časta naziralnika adsadžvajuć na vialikuju adlehłaść. Vielmi časta adbyvajecca kalektyŭny padlik, kali ŭsia kamisija ličyć, abstupiŭšy stoł, naziralniku prosta niemahčyma ničoha ŭbačyć».
Pravaabaroncy planujuć rychtavać tydniovyja spravazdačy, analityčnyja dakłady paśla kožnaha vybarčaha etapu i pravodzić